18.5.14

L'aragonés y as elezions

Resumen: En iste post s'ufre una breu contimparatiba d'a presenzia y esfensa de l'aragonés por parti d'os partius politicos que tienen más posibilidaz de quitar representazión en o Parlamento Europeo, parando cuenta d'os suyos programas, d'as suyas pachinas web y d'os suyos autos, en a mida d'o posible (mirando-me nomás feitos en ista campaña eleutoral t'as europeas).

---------------------------------------------------------------------------------
---------------------------------------------------------------------------------

PARTIUS EN OS QUE NO S'HA TROBAU UNA POSTURA TOCÁN A L'ARAGONÉS Y/U AS LUENGAS MINORIZADAS:


Partiu Popular -> En o suyo programa eleutoral estatal, de 119 pachinas, no se troba garra referencia  esplicita a l'aragonés y as luengas minoritarias. Nomás se troban istos parrafos: 

''Esta unidad no está, en modo alguno, reñida con el pluralismo. España es una nación en la que coexisten diversas lenguas, culturas y tradiciones. Un único e indivisible cuerpo político capaz de reconocer, proteger y potenciar su rica diversidad dentro de un común marco institucional de convivencia'' (p. 9)

''Facilitaremos que los hijos y nietos de españoles residentes en el exterior tengan derecho a conocer las culturas y las lenguas de España, impulsando el conocimiento del patrimonio histórico y cultural de nuestro país y Europa, facilitando el acceso a los archivos y el conocimiento de los museos y bibliotecas españolas a través de las tecnologías de la información y la comunicación'' (p. 52)

O programa espezifico d'o PP-Aragón ye caito en istos momentos.

No he trobau partizipazions espezificas en aragonés u charrando de l'aragonés. 

-----

Partiu Sozialista Obrero Español -> En o suyo programa eleutoral, de 36 pachinas, no se troba garra referenzia a las luengas. De feito, no se troba garra entrada que prenzipie por 'ling', 'leng', 'arag' y tampoco no se troba a parola 'cultura'.

No he trobau programa espezifico de PSOE-Aragón ta istas elezions europeas. 

No he trobau partizipazions espezificas en aragonés u charrando de l'aragonés. 

 -----

Unión, Progreso y Democrazia -> En o suyo programa eleutoral estatal, de 52 pachinas, no se troba garra referencia esplicita a l'aragonés y as luengas minoritarias. Nomás se troban istos parrafos:

''Las instituciones europeas deben implicarse con mayor compromiso y voluntad en la inclusión y en la lucha contra todo tipo de discriminación y exclusión, sea o no violenta, por razón de sexo u orientación sexual, género, lengua, origen...'' (p. 6)

''El lógico respecto a las características de cada país y a las tradiciones y legislaciones educativas nacionales, así como a la diversidad de las lenguas, no debe ser óbice para aspirar a construir un verdadero Espacio Europeo Educativo con objetivos y métodos comunes...'' (p. 41)

No he trobau programa espezifico de UPyD-Aragón ta istas elezions europeas. 

No he trobau partizipazions espezificas en aragonés u charrando de l'aragonés. 

-----

VOX -> En o suyo programa eleutoral no apareixe a esfensa de l'aragonés y/u d'as luengas minoritarias. Tot a'l bies: 

''La diversidad cultural, lingüística, histórica y de renta de los Estados nacionales dificulta y dilata el proceso de creación de una identidad europea''

''El espíritu de la Unión se basa en la superación de las diferencias lingüísticas, culturales, étnicas y religiosas mediante la adhesión a valores universales como la libertad, la solidaridad y la justicia''

No he trobau programa espezifico de Vox t'Aragón ta istas elezions europeas.

 No he trobau partizipazions espezificas en aragonés u charrando de l'aragonés.  

----------
----------

PARTIUS EN OS QUE SÍ S'HA TROBAU UNA POSTURA TOCÁN A LAS LUENGAS MINORIZADAS PERO NO A L'ARAGONÉS: 


Izquierda Unida -> En o suyo programa eleutoral estatal, de 80 pachinas, no se troba garra referencia esplicita a l'aragonés, pero sí a la Carta Europea d'as Luengas Rechionals y Minoritarias, a las luengas en risque y esplizitamén a l'asturiano:

''Es necesario que la cohesión social europea se base en el respeto y defensa de la diversidad cultural y nacional de los diferentes pueblos que conforman Europa. Las culturas propias, las tradiciones y las lenguas, deben ser elementos protegidos y potenciados desde la UE, determinando medidas de apoyo y defensa de los elementos que se encuentren en peligro de desaparición. En 1992 se aprobó la Carta Europea de las Lenguas Regionales o Minoritarias, un documento que reconocía la defensa de las lenguas oficiales del Estado español así como otras no oficiales como el asturiano.
Desde IU debemos defender ese documento y exigir su cumplimiento reivindicando apoyo explícitos a las lenguas que, estando en riesgo y siendo avaladas por dicha Carta, son invisibilizadas e ignoradas por los diferentes gobiernos nacionales y regionales'' (pp. 72-73)

No he trobau programa espezifico de IU-Aragón ta istas elezions europeas. 

No he trobau partizipazions espezificas en aragonés u charrando de l'aragonés. Iste biernes bi ha un mitin d'ista formazión en Uesca. Una buena amiga y un conoxiu que ba a partizipar-ie me comentoron y comentan a presenzia d'Ánchel Conte. Con tot y con ixo, no he trobau informazión por o rete y tampoco no bi ha seguridat de que as interbenzions d'Ánchel baigan a estar en aragonés. 

-----

Coalizión por Europa -> Dentro d'o programa eleutoral d'o Partiu Nazionalista Basco, de 46 pachinas, que fa parti d'a Coalizión por Europa, se troba un amplo apartau adedicau a o euskera pero con referenzias en cheneral a las luengas minorizadas,  que en o caso de l'aragonés resultan intresans istos puntos (por omisión u por inclusión implizita):  

''1. Promover las alianzas necesarias para que la Unión Europea reconozca oficialmente el uso de las lenguas no hegemónicas y minorizadas que, como el euskera, sean oficiales a su vez en algún ámbito territorial de los estados miembros.
(...)
Activar las previsiones recogidas en la Resolución del Parlamento Europeo del 11 de septiembre de 2013 sobre las lenguas europeas amenazadas de desaparición y la diversidad lingüística en la Unión Europea.
(...)
Demandar a la Mesa del Parlamento Europeo una decisión que posibilite la utilización por los Eurodiputados el uso del euskera (y catalán y gallego, en su caso) de manera que se equipare al Consejo de Ministros de la Unión Europea o al Comité de las Regiones
(...)
Reclamar el cumplimiento de la Carta Europea de las Lenguas Regionales o Minoritarias, aprobada por el Consejo de Europa por parte de todos sus firmantes y la ratificación de la misma por parte, singularmente, del Estado Francés
(...)
Solicitar la recuperación de la figura del Comisario para el multilingüismo 
 
2. Proponer la aprobación de la Carta Europea de los Derechos Lingüísticos por el Parlamento Europeo 
 
3. Impulsar la elaboración del Mapa Funcional de las Lenguas de Europa como herramienta para proteger efectivamente la diversidad lingüística en las administraciones, los sistemas educativos y medios de comunicación de los estados miembros de la Unión Europea, y para establecer los usos lingüísticos en las instituciones europeas''.

No he trobau partizipazions espezificas en aragonés u charrando de l'aragonés. 

-----

A Cucha por o Dreito a Decidir (**) - L'Esquerra pel Dret a Decidir -> En o suyo programa eleutoral, de 79 pachinas, no se troba garra referencia esplicita a l'aragonés, pero sí a la dibersidat lingüistica y a las luengas minoritarias.

''Una UE que reconegui i protegeixi la seva diversitat: la creació d’una identitat comun a europea a partir del reconeixement de totes les cultures i les llengües que la integren'' (p. 16)

''També aquí cal recordar que la llengua és cultura i, com a tal, s’ha de potenciar en el marc europeu la diversitat lingüística dels pobles i nacions com un element d’identitat que enriqueix i ajuda al desenvolupament d’Europa'' (p. 71)

 En as pachinas 72 y 73 se troba una estensa aplicazión d'a Carta Europea d'as Luengas Rechionals y Minoritarias endrezada más que más t'o catalán y ta l'ozitano-aranés en as que sobresalen ta l'aragonés istos tres puntos: 

''Afavorir la inclusió de les llengües europees no oficials en els programes europeus que tenen com a objectiu l’aprenentatge i la difusió de les llengües.

Promoure la concessió d’ajuts econòmics i l’establiment de mesures d’acció positiva a favor de les llengües minoritàries europees, entesos com ajuts i mesures comunitàries no contraris als principis comunitaris.

Promoure una nova Carta Europea de les Llengües a Europa per superar l'estigma de les "llengües minoritàries", i que permeti orientar els valors del plurilingüisme i la diversitat lingüística que promouen les institucions europees cap a polítiques concretes''

No he trobau partizipazions espezificas en aragonés u charrando de l'aragonés.

-----

Podemos ->  En o suyo programa eleutoral, de 40 pachinas, no se troba garra referencia esplicita a l'aragonés, pero sí a la dibersidat lingüistica y a las luengas minoritarias en un parrafo.

''Implementación en los planes educativos herramientas que fomenten la innovación, el pensamiento crítico, los procesos creativos y la educación profesional, y que garanticen la defensa de las lenguas minoritarias a nivel europeo'' (p. 18)
  
No he trobau programa espezifico de Podemos t'Aragón ta istas elezions europeas.
  
No he trobau partizipazions espezificas en aragonés u charrando de l'aragonés (*)

----------
----------

PARTIUS EN OS QUE SE TRATA L'ARAGONÉS

Primavera Europea - Chunta Aragonesista -> En o manifiesto eleutoral d'ista coalizión, se troba como uno d'os puntos zentrals una referenzia chenerica a las dibersidat lingüistica, no dende una ambista puramén cultural sino fendo mezclallo con a ideya de nazión. No se menziona a l'aragonés como tal:
 
''Reivindicamos la Europa de los Pueblos, y el apoyo y respeto de la UE a su diversidad nacional, cultural y lingüística, incluyendo las minorías y naciones sin Estado. Rechazamos el recorte a su autonomía y procesos de decisión democráticos y reclamamos la participación real y efectiva de las unidades subestatales en la toma de decisiones europeas, con especial atención a las Regiones Europeas Ultraperiféricas dotándolas de su propia circunscripción electoral''. 

En o programa eleutoral de Chunta Aragonesista, de 25 pachinas, se troban istas referenzias a las luengas (o nombre 'aragonés' lo trobo una begada): 

''Promover una mayor sensibilización con respecto a la importancia de la diversidad cultural y lingüística en Europa y a la necesidad de luchar contra el racismo y la xenofobia y promover la educación intercultural. Demandamos la consecución de un sis- tema educativo que asegure los niveles de competencia más altos que rigen en Europa, incidiendo en la competencia en la lengua o lenguas propias de cada zona, lo que requiere obligatoriamente su enseñanza en todos los escalones educativos del territorio o país, ya que la llamada "competencia lingüística" que se aplica en el estado español no tiene ningún respeto hacia la diversidad lingüística de Aragón, dando como única opción la lengua castellana'' (p.16).

''Ya que en el caso del estado español, esta competencia pasa a denominarse competencia lingüistica y esta no tiene ningún respeto hacia la diversidad lingüistica de este país, dando como única opción la lengua castellana'' (p.16)

''Proclamamos la igualdad de todas las lenguas y culturas de Europa, sean mayoritarias o minoritarias, y el mismo reconocimiento, respeto, protección y fomento para todas, con excepción de las más minoritarias y amenazadas, que deben contar con medidas de protección y fomento mayores para salvaguardar su supervivencia'' (p. 18).

''Impulsaremos y exigiremos los recursos presupestarios y el impulso político necesarios para que se apliquen los preceptos de la Resolución del Parlamento Europeo sobre las lenguas europeas amenazadas de desaparición y la diversidad linguística en la Unión Europea (Informe Alfonsi), reclamando su aplicación plena para la protección de las lenguas de Aragón, especialmente el aragonés'' (p. 18)

 
En as suyas entrebistas y autos, o tema d'a luenga gosa d'estar presén. Con tot y con ixo, no conoixco garra auto que siga estau feito en aragonés u garra partizipazión en aragonés d'os suyos candidatos. 

-----

Os pueblos deciden - Puyalon -> En o manifiesto eleutoral d'ista coalizión, de 3 pachinas, se troba iste parrafo, tocán a la dibersidat cultural y lingüistica en o contesto globalizador, encara que no se menziona a l'aragonés como tal:

''Decimos no a la uniformización cultural y lingüística provocada por la globalización neoliberal y alentada por las políticas centralistas de los estados. Defenderemos un marco que garantice el efectivo ejercicio de los derechos lingüísticos y la diversidad cultural de los pueblos.

De igual manera propugnamos por la soberanía de los pueblos en la información y la comunicación'' (p. 1)

Dentro d'o programa eleutoral de Puyalón de Cuchas, trobamos istas referenzias a las luengas: 

''Puyalón de Cuchas quiere que entre todos decidamos defender nuestro medio, nuestras lenguas y nuestra identidad y personalidad con uñas y dientes''.

A pachina web de Puyalón de Cuchas ye a onica de todas as consultadas que tiene a interfaz trilingüe, publicando bels contenius en aragonés, encara que a más gran parti d'istos contenius se fan en castellano. Han feito un bideo reibindicatibo d'as luengas d'Aragón. L'aragonés se troba en pocas d'as suyas notizias, más que más as tocans a l'aragonés (emplego metalingüistico), pero no en atras de tematica esferén (politica idraulica, dreitos d'a muller, calandario d'autos...).

En as suyas entrebistas y autos, o tema d'a luenga gosa d'estar presén. Un amigo me comenta que en toz os mitins feitos por Puyalón a presentazión, a introduzión y o enfilamiento ye estau feito en aragonés, y que os compañers de coalizión bascos han feito un compromís por lebar o tema de l'aragonés t'o Parlamento Europeo. 

----------

Cadieras en blanco - Escaños en blanco (***): Ista formazión tiene como intenzión recullir o boto en blanco u nulo ta quitar representans que dimpués dixan os suyos posientos buedos como traza de protestar contra as opzions politicas esistens u contra o propio sistema. Por ixo no tienen un programa u manifiesto eleutoral clasico. O que tienen sí que se puede trobar en aragonés, y antiparti tamién tienen una cuenta de twitter de raso en aragonés

----------
----------

PARTIUS D'OS QUE NO HE TROBAU O SUYO PROGRAMA ELEUTORAL

Ciudadanos - Partido de la Ciudadanía ->  No he puesto trobar o suyo programa eleutoral. Dada a poca informazión que tiengo d'ista formazión, he demandau más informazión a o suyo coordinador en Aragón, Orlando Suárez, que ye aragonesofablán. Con tot y con ixo, sí que han adoptau una postura muito contraria a o catalán d'Aragón achuntando-se en bellas aizions con a plataforma PNHC. 

----------
----------

COLLAS ABSTENZIONISTAS (Cuatrena edizión)

Encara que no fan partius politicos, bi ha collas, por un regular de ideolochía anarquista, que esfenden l'abstenzión como una opzión de luita politica.  Dentro d'os escritos d'istas collas, no he trobau garra referenzia a l'aragonés ni garra escrito en aragonés; asinas mesmos, dentro d'os suyos autos, no he trobau partizipazions espezificas en aragonés u charrando de l'aragonés (****). 
----------
----------

CONCLUSIONS Y IMPRESIONS

Bisto iste analís, ya digo, masiau superfizial (ha de pillar-se nomás como una 'toma de contacto'), as mías conclusions y impresions son istas:

* Bi ha muita poca sensibilidat ent'as luengas minoritarias en cheneral y enta l'aragonés en particlar por parti d'os partius politicos, que os suyos intreses gosan d'endrezar-se más en una linia d'a materialidat (custions de economía, chestión d'o territorio, asinas-asinas) antis que no en as custions d'inmaterialidat (cultura popular). PP, PSOE y UPyD no fican contenius de luengas minorizadas en o suyo programa, estoi que Ciudadanos tampoco no lo fa, VOX parixe querer acotolar-las, y en Podemos istos contenius son a un libel más baixo de l'aneudotico.

* Con una mica más de conzienzia s'amostran Izquierda Unida, Coalición por Europa y L'Esquerra pel Dret a Decidir con bels contenius en os suyos programas endrezaus más que más t'atras luengas (Asturiano, Catalán, Euskera), pero que de bislai pueden fer onra a l'aragonés. 

* Más conzienzia amuestran Primavera Europea-Chunta Aragonesista y Os Pueblos Deciden-Puyalón. Dentro d'os dos, se troba una más gran presenzia y esfensa de l'aragonés en Os Pueblos Deciden-Puyalón.

*Con tot y con ixo, o emplego de l'aragonés por parti d'os partius politicos que lo empentan ye más que más metalingüistico: fer serbir l'aragonés ta charrar de l'aragonés y de luengas (y ixo cuan se fa serbir, pos en Primavera Europea no'n he trobau casos). Ye raro de trobar contenius tocans a atras custions (crisis, politicas sozials, aborto, dreitos d'as mullers, ecolochismo...) en aragonés. 

-Ya he esfendiu antis en iste blog, y agora lo torno a repetir, que ta yo o emplego metalingüistico de l'aragonés ye muito malo, pos ye de fázil asoziar a paternalismo y a una manca de bida EN aragonés. En o caso d'a politica, encara ye pior, porque gosa de suposar un refuse d'a soziedat aragonesa no identificada con o grueso d'o programa d'istos partius enta l'aragonés, un bien lingüistico, cultural y neutro (En pocas parolas: u tot u cosa). 


*Adibo en edizión d'o post que ye muito curiosa y positiba, y muito bien planteyada dentro d'a suya ideolochía y traza de treballar, a presenzia de l'aragonés en Escaños en Blanco-Cadieras en Blanco. 

---------
---------

NOTAS

Ye probable que m'aiga dixau asabelo de cosas (sisquiá que asinas en siga, ta contrimostrar que a preocupazión por l'aragonés ye más gran que no a que s'amuestra alto) y que en belunas siga entibocau. Reculliré todas as aportazions y queixas y las i ficaré con muito agradeximiento!

Primera edizión: como yera de dar, a informazión yera incompleta y prenzipian a arribar nuebos datos grazias a JP Martínez:

(*) Podemos plegó a tener una bersión d'o suyo manifiesto traduzida a l'aragonés. Parixe estar que con a restruturazión d'a suya pachina web todas as bersions d'atras luengas esferens a o castellano se quitoron.


(**) L'Esquerra pel Dret a Decidir, candidatura enfilada dende Cataluña, se presenta en Aragón con nombre trilingüe. 

(***) Tamién le debo a JP Martínez saber que Escaños en Blanco ha feito una cuenta de twitter de raso en aragonés y que se puede trobar o suyo manifiesto traduziu a l'aragonés. 

Segunda edizión: Un anonimo apunta que o programa eleutoral de Primavera Europea se puede trobar tamién en aragonés.  

Tercera edizión: Ch. Barrios apunta que o programa eleutoral de Puyalón se puede trobar tamién en aragonés.  

(****) Cuatrena edizión: Ch. Barrios apunta que istas collas abstenzionistas han apegau cartels escritos en español alto de cartels de Os Pueblos Deciden-Puyalón, en aragonés. 

(*****) Zinquena edizión
: Un anonimo apunta que beluns d'os candidatos de Primavera Europea fan serbir l'aragonés en os retes sozials y que ista coalizión fazió un mitin de raso en aragonés en Daroca (informazión no contrastada).