O zorz laiosano d'as piedras (conoxiú por os aborichens d'a selba de laos como kha-nyou) ye estau trobau o diya 28 de chulio en a espedizión feita por David Redfield (inbestigador chubilau d'a unibersidat de florida) y Uthai Treesucon (biologo tailandés).Ye estada una autentica sorpresa, pues se suposaba que iste animal disparexiú fa 11 millons d'anyadas, y no nomás han feito retratos d'iste so que tamién han feito bideos que suposo que luego se podrán beyer por o rete.
Parexiú a un esquirguelo, no ye furo y ye cubierto con un denso y zerrudo pelello. Seguntes os inbestigadors, o que más truca o ficazio ye a suya traza de caminar, en parexer un pato.
No sé si ye una buena notizia ista d'a troballa d'o zorz laosiano d'as piedras (notizia que desconoxeba). En istos tiempos en que nos trobamos, en que en o tocante a o meyo ambién se diz que se fa tanto ta esfender-lo, cuan en reyalidá no se fa cuasi cosa (por o menos de traza seriosa), o millor que li puede pasar a bella espezie esconoxida ye ixo, que remana esconoxida unas cuantas añadas más.
ResponderBorrarDende que tiengo uso de razón, o meyo natural cada begada ye peyor, y demagochia en iste tema bi ha a manta, sobre tot en Aragón y en o Estau Español. En fin, yo lo siento prou por as chenerazions que han de benir, que se ban a trobar uns paisaches de fastio y una naturaleza de pena (y un esdebenidero fosco).
¡Pobre zorz laosiano d'as piedras!¡Pobres fósils bibiens y no-fósils!
¡Pobres lenguas-minorizatas-fósils, y parolas-fósils, y culturas-minorizatas-fósils, y mainificos-paisaches-fósils, y poesía-fósil!
Pos que cosa, a seguir a consigna d'a nuestra epoca: a bibir, que son dos días, y os nuestros fillos que arreen.
Chuan Chusé Bielsa
www.juanbielsa.com
Ta yo ye una consecuenzia d'a estrema competenzia e importanzia d'os diners en a nuestra soziedat...
ResponderBorrarHe de dizir que cuan pienso en as chenerazions que han de benir-ie... lo siento, pero tampoco no guaire. T'a mallor parti d'os chobens (y me fopo yo mesmo con istas parolas) ixo d'o meyo ambién gosa, en muitas begadas, trayer-mos sin garra cudiau.
En cuatro parolas, cuento que a falta d'autobidat por millorar o presén mos trayerá problemas.