Nota: en iste post charraré d'as peleas de gallos, por o intrés social que teneba por ellas y prou que no por disfrutar d'o maltracto animal. Con tot y con ixo, si tiens a piel fina ya puetz hopar d'aquí y totz contentos.
Una d'as cosas que m'heba chocau y que nunca no heba feito por falta de tiempo ye marchar t'una d'as muitas galleras -sabong en Tagalo- que bi ha en Manila y Filipinas. Y no por o espectaclo animal, sino por o suyo ambient social. Por ixo y porque en os documentos historicos que treballo salen de contino as prebatinas d'os moses ta vedar-las, con nulo exito. Asinas que o domingo, con tiempo libre, bi marché. Y chusto que en arrivar a la gallera de Pasay -a man d'an que vivo- me trobo con una 
orquesta en a puerta, con zagalas y zagals bien acontraciaus, mena desfile norteamericano, y mosiqueta de charanga espanyola. Bien pincho que yera aquello, pretoron a fer o recorriu chusto malas i plegué, y antis que no dentrar en a gallera, decidié seguir-los por tot o vico. A entrascada que yeran fendo, rodiaus de casas pobres, tricycles y jeepneys, con toda la chent d'arredol contenta en veyer-los, yera atro más dos contrastes que se troban en ista ciudat. Y a la fin, plegoron en a escuela d'o barangay, an que s'achuntoron con atras orquestas no pior acotraciadas y con as chovens reinas d'as fiestas, totz lideraus por una virchen, como ye de dar. Resulta que yeran as fiestas d'o vico. Curioso yera veyer a la chent d'una d'as orquetas vestius de policias sexis con minifaldas de cuero negro adorando a la virchen.
orquesta en a puerta, con zagalas y zagals bien acontraciaus, mena desfile norteamericano, y mosiqueta de charanga espanyola. Bien pincho que yera aquello, pretoron a fer o recorriu chusto malas i plegué, y antis que no dentrar en a gallera, decidié seguir-los por tot o vico. A entrascada que yeran fendo, rodiaus de casas pobres, tricycles y jeepneys, con toda la chent d'arredol contenta en veyer-los, yera atro más dos contrastes que se troban en ista ciudat. Y a la fin, plegoron en a escuela d'o barangay, an que s'achuntoron con atras orquestas no pior acotraciadas y con as chovens reinas d'as fiestas, totz lideraus por una virchen, como ye de dar. Resulta que yeran as fiestas d'o vico. Curioso yera veyer a la chent d'una d'as orquetas vestius de policias sexis con minifaldas de cuero negro adorando a la virchen.
Vista ista polida y inesperada actividat, torné t'a gallera y bi dentré. O primer de tot que choca ye o pre, 200 pesos por entrar-ie, bells 3 euros y pico que ya son diners t'a chent pobre y meya filipina, que ye la que por farchas bi yera. Cal decir, por o que he leito, que en os puestos rurals as dentradas son muito más baratas u mesmo francas. En dentrar-ie, bells guariches-restaurants filipinos -carinderias-, una parti con bells escusaus puercos y, por un chicot corridor a un costau, a parti d'a chent que levaba a barallar a os suyos gallos. Dimpués, escaleras ta puyar a las gradas d'alto, y atro corridor -con menos escalerons- ta quedar-se en as gradas d'abaixo: una distribución parellana a la de qualsiquier pabellón mena José Luis Abós u pabellón de boxeo, pero prou que en chicot.
Dimpués de mirar-me ista parti de difueras, i dentré, y o primero que me miré estió a distribución d'o puesto: un cuadrilatero con a suya parti central encristalada, ta que os
bichos no puedan eslampar y ta que de vez a chent pueda veyer a baralla. De chent, quasi totz hombres: conté cinco mullers en metat d'ixos centenars de personas, con quatro d'ellas vendendo refrescos y biroya, y nomás una d'ellas apostando. En l'arena, seis hombres en primeras: cuatro d'ells con gallos, y pareixeban prebar-los una mica pillando-los en as mans ta decidir qué dos gallos i luitarían, y atros dos que pareixeban arbitros. Dimpués de prebar-los, dos d'ells -seguindo criterios que desconoixco- en hopaban y s'i quedaban os dos hombres que os suyos gallos luitarían, chunto con os dos arbitros.
Dimpués de mirar-me ista parti de difueras, i dentré, y o primero que me miré estió a distribución d'o puesto: un cuadrilatero con a suya parti central encristalada, ta que os
bichos no puedan eslampar y ta que de vez a chent pueda veyer a baralla. De chent, quasi totz hombres: conté cinco mullers en metat d'ixos centenars de personas, con quatro d'ellas vendendo refrescos y biroya, y nomás una d'ellas apostando. En l'arena, seis hombres en primeras: cuatro d'ells con gallos, y pareixeban prebar-los una mica pillando-los en as mans ta decidir qué dos gallos i luitarían, y atros dos que pareixeban arbitros. Dimpués de prebar-los, dos d'ells -seguindo criterios que desconoixco- en hopaban y s'i quedaban os dos hombres que os suyos gallos luitarían, chunto con os dos arbitros.
Y, mientras tot iste proceso, o más esparpallant de tot: as apuestas. Diría que lo menos o 30% d'a chent que i yera en reyalidat chestionaban apuestas. Os brokers chilaban, puyaban as mans y feban cenyos por tot arreu, enfilando-se a la chent d'arredol, pillando diners de totz -yo diría que sin control denguno, encara que ye claro que control heban de tener. L'ambient ixordaba y de cabo quan beluno te se miraba, te feba cenyos y chilaba, y servidor que no quereba apostar ni meter-se en problemas, feba cenyos de que cosa, guardaba as suyas mans y se miraba t'abaixo. En realidat, mesmo estando l'onico forano en a cambra, m'acullioron asaber-lo de bien, y un viello broker s'encerrinó en que me posase en o suyo puesto. Como siempre en Filipinas, no tenié garra problema, encara que os chilos, l'ambient y as miradas impresionaban muito y en bell inte mesmo me fació cerina. Podié fer videos y fotos a tot, y sin garra problema.
D'atra man, yera un ambient de raso monolingüe, tot en tagalo, y ya digo, prou humilde. Pero, sorpresa, que en rematar a luita d'os gallos, os brokers pretan a repartir diners ascape, y entre ells, seguntes os suyos acuerdos, se tiraban por os aires faixos de buena cosa de diners que de cabo quan mesmo quedaban por tierra -encara que de seguras que os suyos lechitimos aimos los pillarían. Tamién os arbitros en preneban. As faltadas, poco comuns entre ista chent tan educada y formal que de contino dicen sir u po, se'n ascuitaban asaberlo entre brokers y apostants, pero de trazas amistosas: putang ina! U mesmo hijoputa!, que encara se diz en tagalo. Os diners circulaban, se los pasaban, pero pareixeban totz seguros de que denguno no i furtaría. Atra preba más d'a honestidat d'a sociedat filipina, que tamién se puet veyer quan vas pasando a ixena os diners ta bosar en os jeepneys y buses, plegan a o conductor y os cambios tornan exactos. Honestidat... y que churaría que si a belún le da por furtar no saldría guaire bien parau. Conté os diners que teneba en man bell broker, y superaban os 10.000 pesos -bells 160 euros-, una cantidat que t'a sociedat pobre y meya filipina ye una barbaridat.
Sobre l'espectaclo en sí, pos como he dito antis, se i quedaban dos aimos con os suyos bichos, a os que les metaban un chicot cultre en o suyo esperons, los concaraban una mica encara tenendo-los en mans y dimpués los dixaban por tierra, encara ligaus. Quan 
l'arbitro mandaba, as apuestas aturaban, los soltaban y prencipiaba a luita. Alto d'o cuadrilatero bi heba d'os luces con parolas en tagalo que s'encendeban y amortaban seguindo bell criterio que desconoixco, pero estoi que sería ta marcar os tiempos de luita y apuestas. A luita duraba por un regular bells pocos segundos y no yera sangrienta. Muitas vegadas nomás d'un movimiento bi heba un ganador y atro perdedor. O gallo perdedor quedaba marfarchau y malferiu pero no muerto. Dimpués, o suyo aimo le ligaba as patas y se lo levaba, y, sin querer enterar-me, diría que con mala suerte t'o bicho. Si as luitas duran tan poco y se foten tot o diya astí, ya podetz contar a gran cantidat de gallos muertos, y uno entiende por qué bi ha tanto gallos de pelea en as carreras y por qué a carne de pollo ye tan barata en iste país.
En resumen, sin estar una cosa agradable, as peleas de gallos permiten conoixer una mica millor a sociedat meya y baixa filipina: sesgos de chenero -encara que en primeras diría que Filipinas ye millor que no Espanya en iste sentiu-, formas d'ocio, diners y más diners en chent que en tiene pocos, codigos socials, asinas asinas.
l'arbitro mandaba, as apuestas aturaban, los soltaban y prencipiaba a luita. Alto d'o cuadrilatero bi heba d'os luces con parolas en tagalo que s'encendeban y amortaban seguindo bell criterio que desconoixco, pero estoi que sería ta marcar os tiempos de luita y apuestas. A luita duraba por un regular bells pocos segundos y no yera sangrienta. Muitas vegadas nomás d'un movimiento bi heba un ganador y atro perdedor. O gallo perdedor quedaba marfarchau y malferiu pero no muerto. Dimpués, o suyo aimo le ligaba as patas y se lo levaba, y, sin querer enterar-me, diría que con mala suerte t'o bicho. Si as luitas duran tan poco y se foten tot o diya astí, ya podetz contar a gran cantidat de gallos muertos, y uno entiende por qué bi ha tanto gallos de pelea en as carreras y por qué a carne de pollo ye tan barata en iste país. En resumen, sin estar una cosa agradable, as peleas de gallos permiten conoixer una mica millor a sociedat meya y baixa filipina: sesgos de chenero -encara que en primeras diría que Filipinas ye millor que no Espanya en iste sentiu-, formas d'ocio, diners y más diners en chent que en tiene pocos, codigos socials, asinas asinas.
Y, ta rematar o post, feré una breu referencia a o memorial y parque de Quezón, en o centro de Quezón City, localidat que fa parti d'a Manila Metropolitana. Iste parque yera 
una d'as visitas que me quedaban pendients, en estar una d'as pocas tacas verdes en o mapa de Manila. Y en arrivar-ie me trobé con un puesto poliu adedicau a uno d'os primers presidents y figura nacional filipina, an que uno puede disfrutar d'un ambient filipino pero sin autos, traficos ni fumos, y ixo s'agradeix muito. En bell meyo, se troba o monumento a Quezón con una torre altiza feita de tres pilars. Fa alcordanza d'o parque de Luneta, pos espacios verdes s'alternan con chicotz mercaus de carrera y bell restaurant. Tiene un espacio adedicau a conciertos y en qualsiquier cantón se puet trobar a chovens filipinos cantando u danzando. Tamién belunos corren, patinan, fan bici u chugan a fútbol. En resumen, un puestet pincho ta relaixar-se en un ambient filipino, pero masiau luent de casa mía, quan o parque de Luneta u Rizal, a'l canto de casa mía, m'ufre lo mesmo.
una d'as visitas que me quedaban pendients, en estar una d'as pocas tacas verdes en o mapa de Manila. Y en arrivar-ie me trobé con un puesto poliu adedicau a uno d'os primers presidents y figura nacional filipina, an que uno puede disfrutar d'un ambient filipino pero sin autos, traficos ni fumos, y ixo s'agradeix muito. En bell meyo, se troba o monumento a Quezón con una torre altiza feita de tres pilars. Fa alcordanza d'o parque de Luneta, pos espacios verdes s'alternan con chicotz mercaus de carrera y bell restaurant. Tiene un espacio adedicau a conciertos y en qualsiquier cantón se puet trobar a chovens filipinos cantando u danzando. Tamién belunos corren, patinan, fan bici u chugan a fútbol. En resumen, un puestet pincho ta relaixar-se en un ambient filipino, pero masiau luent de casa mía, quan o parque de Luneta u Rizal, a'l canto de casa mía, m'ufre lo mesmo.
No hay comentarios.:
Publicar un comentario