Un d'ixos puestos turisticos que encara me quedaba por tastar en Filipinas yera Malapascua, y estando a tiro de piedra de Bantayan, pos bell día habría de cayer. O caso ye que en tener una miqueta de fama de borinero, quereba trobar a ocasión adecuada con más chen, y cata que ta metat d'aviento a colleta de Bantayan nos metiemos d'alcuerdo en pasar-ie bell par de dietas, aproveitando que Rubén, un d'os amigos de Guillermo, yera pasando os suyos zaguers diyas en l'archipielago. A yo me venió de bitibomba, pos yera prencipiando a controlar a zaguera asignatura embolicada d'a carrera de Matematicas y chusto en ixos 
diyas heba recibiu una nota de 10 en un examen parcial d'Alchebra Abstracta, atra d'as asignaturas, a más difícil que me'n queda.
Asinas que astí que me planté o luns de tardis, dimpués de pillar un barco dende Santa Fe (Bantayan) ta Hagnaya, en a isola de Cebú, y atro dende Maya (Cebú) ta Malapascua. Ya o viache feba entrefilar que no me fería guaire goyo ixa redolada, pos ta ir dende Hagnaya dica Maya miroron de cobrar-me en varios puestos 1000 pesos (16 euros). Pero yo, que ya soi can viello filipino, trobé a ruta en bus que, con un transbordo y una moteta d'aproximación, me deixó en o puerto ta Malapascua por tasamén 96 pesos (1,6 euros) -y más rapedo que no o trycicle!
A la fin i plegué a ixo d'as tres d'a tardi, y me trobé con Rubén y Adín, un mesache malaguenyo que Rubén heba conoixiu en o suyo viache, y con ells miremos de trobar un
puesto ta mirar-nos o lusco, rematando en una cafetería que cobraba 200 pesos por cabeza de dentrada. Sin tartir paguemos, encara que dandioloron una mica ta dar-nos os cambios y no nos los quereban dar bien. Solucionau o malendentiu, i dentremos y quan miremos de posar-nos, nos dicioron que caleba bosar 200 extras por o posiento, a lo que dimpués sumoron 200 por o batiauguas (si yéranos en o lusco y sin plevia!). A la fin los mandemos a escaparrar y plenimos os diners que china china nos heban iu esculando. D'astí marchemos t'o puerto local an que veyemos o lusco con millors envistas y fendo-nos una biera que hébanos pillau en un guarichet filipino.
De nueitz, miremos de trobar una miqueta de borina, y fueras d'un bar mena chill-out, a resta d'o lugar yera muerto, y d'o turismo que bi heba, más d'a metat yera espanyol, que o suyo estilo por un regular no gosa d'estar o de yo, encara que cada vegada
me foi más galvanot. En ixas que cenando venió o instructor de buceyo que Rubén y Adín heban preso ta l'atrol diya, un mesachot guayón y sin guaires amabilidaz que yera más intresau en cudiar a lo suyo husky caro y en quitar diners, diners y más diners. Y Rubén y Adín, una mica ababolez, yeran picando de tot, encara que miré d'aduyar-les y de meter-le barrache a ixe chovenot businessboy chermano-filipino. No, no me yera cuacando mica l'ambién y as trazas de fer turismo en ixa isla. D'atra man, podié veyer l'aloix que s'heban preso, y en verdat, rematar en una caixa de zorz pagando 40 euros a nueit, no ye de recibo. En o mío caso, trobé un guarichot d'a mesma calidat pero a 10 euros a nueit, y an que, tot y que como digo, no yera un palacio, me tractoron con muita amabilidat.
Cansos y con una isola que ufriba poco de nueitz, marchemos a dormir de camín. Ells teneban que fer o buceyo de maitins, y yo quereba pillar una bicicleta y arrecorrer-me a isla,
que ye chicoteta. Pero en revellar-me y desayunar-me, miré de trobar un puesto ta logar una bicicleta, sin trobar-lo: nomás m'ufriban motos, y yo no'n quereba. Y ixe ye atro d'os fallos de Malapascua: tenendo capacidaz ta fer más cosas, o turismo nomás s'enfila ent'o buceyo, pos ye un d'os pocos puestos d'o mundo an que se puet buciar con varias menas de tiburons, dentre ells o repoliu tiburón rabosa. D'atra man, yo yera ubierto a fer o curso de buceyo y asinas veyer o tiburón, pero no permitiban fer-lo asinas: primero o curso con cinco inmersions en mar abierto pero sin veyer tiburons, y dimpués pagar más ta veyer o tiburón. Atra vegada, business, business y más business.
A casca-la, decidié arrecorrer-me a isola caminando, lo facié de cabo a rabo en cinco horas aturando dos vegadas por más de 30 minutos, y estió lo millor que facié. Veyé muitas plachas
y calas, unas d'arena y atras de gudrón coralino; as que yeran en l'oeste, más escoscadas, mientras que as de l'este, pobladas por pescadors, muito más puercas. As millors de todas yeran en o norte, y o más poliu que veyé en a isola yera una caleta de rocas en o camín de puyada a o faro, cusirada por una familia d'una mai, una nina y un mesache asabelo de mahos que s'heban montau un guariche de venta de bebidas apanyadet y con as millors envistas. Astí facié una d'as aturadas, demandé un suco de mango, y estié charrando con o fillo d'a familia, que en a suya veintena teneba muito buen implaz, y me recomendó que nadase dica una boya roya a bells 70 metros d'a costa, pos astí bi heba un barco chaponés afundiu mientras a segunda guerra mundial. Lo facié y estió una experiencia repolida: buen suco, puesto naturalmén repoliu, garra masificación -de feito yera l'onico fendo snorkle astí ta par d'alavez-, patrimonio, y o millor de tot, buena chen local.
Rematé a gambada pasando tamién por o centro d'a isla, an que viviba la chen local en os tipicos lugarichons rurals filipinos de carreras sin gudrón y gallos de pelía, no sin antis fer cubilar en un guariche maho en Langub Beach, a placha d'o norte, an que me facié unatro suco de mango. Y ye que, una d'as cosas buenas de Malapascua ye que ye asabelo de fácil trobar sucos y merengadas de fruitas, cosa que en Bantayan ye asabelo d'embolicau.
D'atra man, Langub ye una placha paradisiaca, de colors repolidas, con nomás dos guariches y bells vendedors locals, escoscadiza y con poca chen.
A la hora de chentar, i venió a resta de chen de Bantayan, con os que pasé a tardi por o lugar principal, mirando-me o lusco y fendo-me sucos mientras ells se feban bieras. Ixo dica o sopar, pos astí, ya prencipié con bell vinet y la cosa fue puyando dica rematar con tequilas. No yéranos que nusatros, pero tampoco no caleba más! Pasemos buena nueit, y a l'atrol diya de maitins, con una mica de despiste en pillar mototaxis -l'onico servicio de mobilidat d'a isola-, tornemos ta Langub toz
chuntos. Ista vegada t'a l'atro guariche que no heba visitau o diya d'antis, y a yo me tratoron asabelo de mal: damendé un coco a un cambrero, y dimpués de 30 minutos, voy a demandar-le por o coco, y me lo trobo enzorrando-se con atros cambrers y pasando d'o coco. En charrar con a duenya, tamién pasó de yo de malas trazas. Sé que nomás heba demandau un coco mientras a resta yera a cubatas, pero ixo no ye sincusa ta tratar asinas de mal a la chen, más encara quan os servicios y os productos, incluindo o coco, teneban pré europeu. A la fin fue a un guariche local y me lo sirvioron ascape, chelau, de muito buen implaz, y -o menos importán- más barato.
A colla rematemos chentando en a mesma placha, pero en o puesto que heba visitau o diya d'antis, y estió un encierto. D'astí, atra vegada una mica tracallaus con as mototaxis, tornemos t'o lugar principal de Malapascua y correndo pillemos os zaguers barcos dende
Malapascua ta Maya (Cebú) y de Hagnaya (Cebú) ta Bantayan, a primera parti d'o tracheuto con a companyía d'un mesache portugués a qui os barquers yeran mirando d'escular-le 30 euros.
No recomiendo Malapascua de no estar que tiengas una autentica pasión por o buceyo. Me trobé un modelo turistico canso, que ha deixau de tener a ilusión d'o principián y que se centra nomás en quitar o más gran treslau posible d'o turista, a mayoría d'ells espanyols. O turismo se centra exclusivamén en o buceyo y en o guayonismo, ufrindo paquetes de varias centenas d'euros, que no pareixen mal porque incluyen aloix y comida, pero que en verdat o que ufren son caixas de zorz malcudiadas y platos de roz con bell acompanyamiento radiu. Y si vas sin pretensions de buceyo, cobrar 40 u 50 euros por nueit por ixas caixas mohosas y sin una propia ducha, pos no ye de dar. Yo he visitau, he dormiu y he cagau en puestos insospeitaus y a yo rai, que tiengo buen aguante. Tampoco no me queixo d'os pres, pos no voi t'os puestos ta aproveitar-me de dengún. Pero si un propietario -muitas vegada forano- mira de cobrar-me pres internacionals por servicios deficiens, y antimás ye un fachendoso guayón, pos astí ya no i torno y lo critico.
diyas heba recibiu una nota de 10 en un examen parcial d'Alchebra Abstracta, atra d'as asignaturas, a más difícil que me'n queda.Asinas que astí que me planté o luns de tardis, dimpués de pillar un barco dende Santa Fe (Bantayan) ta Hagnaya, en a isola de Cebú, y atro dende Maya (Cebú) ta Malapascua. Ya o viache feba entrefilar que no me fería guaire goyo ixa redolada, pos ta ir dende Hagnaya dica Maya miroron de cobrar-me en varios puestos 1000 pesos (16 euros). Pero yo, que ya soi can viello filipino, trobé a ruta en bus que, con un transbordo y una moteta d'aproximación, me deixó en o puerto ta Malapascua por tasamén 96 pesos (1,6 euros) -y más rapedo que no o trycicle!
A la fin i plegué a ixo d'as tres d'a tardi, y me trobé con Rubén y Adín, un mesache malaguenyo que Rubén heba conoixiu en o suyo viache, y con ells miremos de trobar un
puesto ta mirar-nos o lusco, rematando en una cafetería que cobraba 200 pesos por cabeza de dentrada. Sin tartir paguemos, encara que dandioloron una mica ta dar-nos os cambios y no nos los quereban dar bien. Solucionau o malendentiu, i dentremos y quan miremos de posar-nos, nos dicioron que caleba bosar 200 extras por o posiento, a lo que dimpués sumoron 200 por o batiauguas (si yéranos en o lusco y sin plevia!). A la fin los mandemos a escaparrar y plenimos os diners que china china nos heban iu esculando. D'astí marchemos t'o puerto local an que veyemos o lusco con millors envistas y fendo-nos una biera que hébanos pillau en un guarichet filipino. De nueitz, miremos de trobar una miqueta de borina, y fueras d'un bar mena chill-out, a resta d'o lugar yera muerto, y d'o turismo que bi heba, más d'a metat yera espanyol, que o suyo estilo por un regular no gosa d'estar o de yo, encara que cada vegada
me foi más galvanot. En ixas que cenando venió o instructor de buceyo que Rubén y Adín heban preso ta l'atrol diya, un mesachot guayón y sin guaires amabilidaz que yera más intresau en cudiar a lo suyo husky caro y en quitar diners, diners y más diners. Y Rubén y Adín, una mica ababolez, yeran picando de tot, encara que miré d'aduyar-les y de meter-le barrache a ixe chovenot businessboy chermano-filipino. No, no me yera cuacando mica l'ambién y as trazas de fer turismo en ixa isla. D'atra man, podié veyer l'aloix que s'heban preso, y en verdat, rematar en una caixa de zorz pagando 40 euros a nueit, no ye de recibo. En o mío caso, trobé un guarichot d'a mesma calidat pero a 10 euros a nueit, y an que, tot y que como digo, no yera un palacio, me tractoron con muita amabilidat. Cansos y con una isola que ufriba poco de nueitz, marchemos a dormir de camín. Ells teneban que fer o buceyo de maitins, y yo quereba pillar una bicicleta y arrecorrer-me a isla,
que ye chicoteta. Pero en revellar-me y desayunar-me, miré de trobar un puesto ta logar una bicicleta, sin trobar-lo: nomás m'ufriban motos, y yo no'n quereba. Y ixe ye atro d'os fallos de Malapascua: tenendo capacidaz ta fer más cosas, o turismo nomás s'enfila ent'o buceyo, pos ye un d'os pocos puestos d'o mundo an que se puet buciar con varias menas de tiburons, dentre ells o repoliu tiburón rabosa. D'atra man, yo yera ubierto a fer o curso de buceyo y asinas veyer o tiburón, pero no permitiban fer-lo asinas: primero o curso con cinco inmersions en mar abierto pero sin veyer tiburons, y dimpués pagar más ta veyer o tiburón. Atra vegada, business, business y más business. A casca-la, decidié arrecorrer-me a isola caminando, lo facié de cabo a rabo en cinco horas aturando dos vegadas por más de 30 minutos, y estió lo millor que facié. Veyé muitas plachas
y calas, unas d'arena y atras de gudrón coralino; as que yeran en l'oeste, más escoscadas, mientras que as de l'este, pobladas por pescadors, muito más puercas. As millors de todas yeran en o norte, y o más poliu que veyé en a isola yera una caleta de rocas en o camín de puyada a o faro, cusirada por una familia d'una mai, una nina y un mesache asabelo de mahos que s'heban montau un guariche de venta de bebidas apanyadet y con as millors envistas. Astí facié una d'as aturadas, demandé un suco de mango, y estié charrando con o fillo d'a familia, que en a suya veintena teneba muito buen implaz, y me recomendó que nadase dica una boya roya a bells 70 metros d'a costa, pos astí bi heba un barco chaponés afundiu mientras a segunda guerra mundial. Lo facié y estió una experiencia repolida: buen suco, puesto naturalmén repoliu, garra masificación -de feito yera l'onico fendo snorkle astí ta par d'alavez-, patrimonio, y o millor de tot, buena chen local. Rematé a gambada pasando tamién por o centro d'a isla, an que viviba la chen local en os tipicos lugarichons rurals filipinos de carreras sin gudrón y gallos de pelía, no sin antis fer cubilar en un guariche maho en Langub Beach, a placha d'o norte, an que me facié unatro suco de mango. Y ye que, una d'as cosas buenas de Malapascua ye que ye asabelo de fácil trobar sucos y merengadas de fruitas, cosa que en Bantayan ye asabelo d'embolicau.
D'atra man, Langub ye una placha paradisiaca, de colors repolidas, con nomás dos guariches y bells vendedors locals, escoscadiza y con poca chen. A la hora de chentar, i venió a resta de chen de Bantayan, con os que pasé a tardi por o lugar principal, mirando-me o lusco y fendo-me sucos mientras ells se feban bieras. Ixo dica o sopar, pos astí, ya prencipié con bell vinet y la cosa fue puyando dica rematar con tequilas. No yéranos que nusatros, pero tampoco no caleba más! Pasemos buena nueit, y a l'atrol diya de maitins, con una mica de despiste en pillar mototaxis -l'onico servicio de mobilidat d'a isola-, tornemos ta Langub toz
chuntos. Ista vegada t'a l'atro guariche que no heba visitau o diya d'antis, y a yo me tratoron asabelo de mal: damendé un coco a un cambrero, y dimpués de 30 minutos, voy a demandar-le por o coco, y me lo trobo enzorrando-se con atros cambrers y pasando d'o coco. En charrar con a duenya, tamién pasó de yo de malas trazas. Sé que nomás heba demandau un coco mientras a resta yera a cubatas, pero ixo no ye sincusa ta tratar asinas de mal a la chen, más encara quan os servicios y os productos, incluindo o coco, teneban pré europeu. A la fin fue a un guariche local y me lo sirvioron ascape, chelau, de muito buen implaz, y -o menos importán- más barato. A colla rematemos chentando en a mesma placha, pero en o puesto que heba visitau o diya d'antis, y estió un encierto. D'astí, atra vegada una mica tracallaus con as mototaxis, tornemos t'o lugar principal de Malapascua y correndo pillemos os zaguers barcos dende
Malapascua ta Maya (Cebú) y de Hagnaya (Cebú) ta Bantayan, a primera parti d'o tracheuto con a companyía d'un mesache portugués a qui os barquers yeran mirando d'escular-le 30 euros. No recomiendo Malapascua de no estar que tiengas una autentica pasión por o buceyo. Me trobé un modelo turistico canso, que ha deixau de tener a ilusión d'o principián y que se centra nomás en quitar o más gran treslau posible d'o turista, a mayoría d'ells espanyols. O turismo se centra exclusivamén en o buceyo y en o guayonismo, ufrindo paquetes de varias centenas d'euros, que no pareixen mal porque incluyen aloix y comida, pero que en verdat o que ufren son caixas de zorz malcudiadas y platos de roz con bell acompanyamiento radiu. Y si vas sin pretensions de buceyo, cobrar 40 u 50 euros por nueit por ixas caixas mohosas y sin una propia ducha, pos no ye de dar. Yo he visitau, he dormiu y he cagau en puestos insospeitaus y a yo rai, que tiengo buen aguante. Tampoco no me queixo d'os pres, pos no voi t'os puestos ta aproveitar-me de dengún. Pero si un propietario -muitas vegada forano- mira de cobrar-me pres internacionals por servicios deficiens, y antimás ye un fachendoso guayón, pos astí ya no i torno y lo critico.
