Iste cabo semana he teniu a suerte d'estar en a Feria d'o Libro d'Aragón de Monzón, en a suya XIV edizión. Yera a primera begada que i yera, y sin dandalo tornaré a estar-ie.
Muitas editorials y asoziazions culturals nos i trobemos, y podiemos ufiertar os nuestros produtos asinas como beyer y mercar os d'a resta. Chen de muitas sensibilidaz en toz os sentius beyó a la resta de compañers y a presenzia de l'aragonés estió graniza, con as prinzipals asoziazios y editorials presens (Xordica, REA, IEA, Nogará, Ligallo, Consello...). A chen de todas istas entidaz fazión charradetas entre els que aduyón a un clima de cooperazión, y más en o delicau momento que tiene a nuestra luenga.
Por atro costau, a presenzia de chen fablán d'aragonés como publico en a feria estió graniza, amanando-se-te-ie directamén en aragonés. A ran personal m'emozionó beyer como una mai con a suya filla de bellas 5 añadas le yera esplanicando en aragonés baixorribagorzano o libro ansotano d'os cuentos trazionals (caperuxeta roya, os tres gorrins...) y ella le respondeba en aragonés.
Ta rematar tamién cal destacar a calidat de bellas collas mosicals que i tañón de nueys. A ran personal me quedo con "Lamatumbá", una colla fiestera de tierras gallegas que sabión dibertir a os que i yéranos con a suya enerchía. Una gran sorpresa mosical de calidat, que luego será bien conoixida y que recomiendo a toz que i beigaz. Por agora, tos dixo con un bideo d'els.
Muitas editorials y asoziazions culturals nos i trobemos, y podiemos ufiertar os nuestros produtos asinas como beyer y mercar os d'a resta. Chen de muitas sensibilidaz en toz os sentius beyó a la resta de compañers y a presenzia de l'aragonés estió graniza, con as prinzipals asoziazios y editorials presens (Xordica, REA, IEA, Nogará, Ligallo, Consello...). A chen de todas istas entidaz fazión charradetas entre els que aduyón a un clima de cooperazión, y más en o delicau momento que tiene a nuestra luenga.
Por atro costau, a presenzia de chen fablán d'aragonés como publico en a feria estió graniza, amanando-se-te-ie directamén en aragonés. A ran personal m'emozionó beyer como una mai con a suya filla de bellas 5 añadas le yera esplanicando en aragonés baixorribagorzano o libro ansotano d'os cuentos trazionals (caperuxeta roya, os tres gorrins...) y ella le respondeba en aragonés.
Ta rematar tamién cal destacar a calidat de bellas collas mosicals que i tañón de nueys. A ran personal me quedo con "Lamatumbá", una colla fiestera de tierras gallegas que sabión dibertir a os que i yéranos con a suya enerchía. Una gran sorpresa mosical de calidat, que luego será bien conoixida y que recomiendo a toz que i beigaz. Por agora, tos dixo con un bideo d'els.
1 comentario:
Me cuaca asabelo lo que cuentas sobre o buen ambién que bi eba en a feria entre as diferens collas que luitan por l'aragonés. Ixo ye o que cal. Cadaguno beye a reyalidà d'a nuestra fabla dende diferens opticas, pero si bi ha un dialogo con buena boluntà y se fa tot o posible por ir entabán, ixo rai.
Y anque l'aragonés ba perdendo bitalidà (impribablemén, ya que no cuenta con meyos ta la suya difusión y amostranza) encara en queda d'ixa bitalidà, y por muitas añadas que contine. Tu nos amuestras bels exemplos.
Norabuena por o tuyo blog. Anque no i comento asobén, o besito regularmén y me fa muito goyo, por a suya creyatibidà y orichinalidà.
Buen Nadal, Choben.
Dende o Sur aragonesofablán
Chuan Chusé Bielsa
Publicar un comentario