Seguntes a Fundazión Británica de Nueba Economía, iste chicorrón país (formau por bellas islas en o pacifico) ye o que millor enreliga o progreso con a efizienzia en o meyo, sin ferir-le ni manullar-lo.Ista mida se fa fendo mezclallo d'a esperanza de bida meya d'os abitans y l'impauto ecolochico d'as autobidaz que se i fan.
Ye curioso que garra país d'o g-8 se troba en a lista d'os 50 primers países: drento d'os países ozidentals o que se'n troba en millor puesto ye malta, y dimpués austria. Estados unidos se'n troba en o zaguer puesto.
Si ye que, os ozidentals con tantas cosas que abemos... pero siempre tenemos o sueño de pasar unas bacanzas en una placha polida, debaxo d'una palmera.
2 comentarios:
Cuan pienso en calidá de bida pienso en países relatibamén poco poblatos y con una preocupazión importán por o meyo ambién.
Ye dizir, pienso en Nueba Zelanda, Australia, bellas islas u archipielagos d'o Pazifico, como lo que nombras tu de Banuatu, u pienso en Suezia, Noruega, Islandia, Islas Feroe, u Canadá.
Incluso creigo que bel país d'America d'o Sur, como Costa Rica u Chile (a mayoría por disgrazia, encara no), s'amanan a uns libels importans de berdadera calidá de bida.
A berdá ye que sin una conzienzia d'a prioridá d'o meyo ambién y a suya proteuzión en relazión a o desarrollismo ye imposible asperar a largo plazo un creximiento sostenible.
España podeba aber estau un país que ese seguiu os pasos a Suezia u Noruega, por exemplo. Pero no, o desarrollismo barrenau (urbanistico, ta empezipiar) rematará acotolando los paisaches, sucará recursos finitos dica libels periglosos... España s'amana a os 45 millons d'abitans, y a no tan largo plazo, os 50 millons, en un país en que a mayor parti d'o suyo territorio ye un secarral, por no dizir un disierto.
Dios quiera que tarde en plegar una crisis economica, porque España, en ixe caso, y anque agora parixca increyible, se podería plantar con tres millons d'aturaus de paso... Y qué dizir si esclata la bombolleta inmobiliaria, que solamén ye cuestión de tiempo ta que lo faiga, que ha susteniu a nuestra economía sobre alazez de bardo...
Poco s'ha teniu en cuenta en Aragón y España o respeto enta lo meyo ambién, a pesar d'os grans discursos y as campañetas bofas.
E ixo se paga, anque o pago bienga tardi, cuan ya no l'asperamos. Pero se paga, impribablemén.
¡Biba Banuatu!¡Biba Suezia!
Chuan Chusé Bielsa
Que en tiens, de razón! Pienso tamién que a nuestra economía fa garras, y tardi u no tan tardi, l'alazet d'ista s'esboldegrará...
No charremos ya d'o meyo ambiente: países que fan os suyos quefers ban a pagar d'a mesma traza que atros que los fan: la madre tierra, por fortuna ta unas cosas y por desgrazia ta otras, no conoxe mugas.
Esprisions!
Publicar un comentario