Ista tardi se ferá a las 7:30 en a cambra d'ambito cultural d'o corte inglés de independenzia, a presentazión d'iste libro, o cualo ya tenemos as personas que marchemos t'o congreso a semana pasada.
He de dizir que me lo soi leyendo, y me ye fendo muito goyo: te permite aprender bocabulario, ditos y frases feitas d'una traza amena: con as istorias que rezentan chen de toda mena y con os debuxos, antimás de conoxer millor as tradizions, costumbres u aneudotas, te se queda en o tozuelo o significau y os emplegos d'as parolas y frases d'una traza rapeda.
Sin duda, una buena ideya ta l'aragonés y lebada d'una traza sobrebuena. Sisquiera se fese una colezión de libros chiquez como iste (a estar posibles feitos de raso en aragonés), con parolas y frases feitas en aragonés!
4 comentarios:
maitin biernes aintro de ro pograma de radio - mosica y parolas - en radio mai (marguin cucha), 102.8 fm, bi seran presens bells academicos de ra luenga aragonesa ta charrar de ro segundo congreso de l'aragones.
O pograma ye de 17.00 ta 19.00
-bilingue-
Muitas grazias por a informazión.
O caso ye que me pa que no podré ascuitar o programa, pero me fería asabelo goyo, podriaz (busatros dende mosica y parolas, u atra presona) grabar-lo y dimpués puyar-lo t'o rete?
Esprisions!
en tiengo un camaton de pogramas grabatos en mp3 pero son 120 menutos y no i cullen por correyo.
La mala notizia ye que por aberia en l'emisor de ra radio mai, puede estar que no aiga emision, jo!!!!
¿Qui ye Alejandro cortés?
Me foi cruzes d'esta chen que amanixe de sopetón y escribe libros.
Publicar un comentario