4.7.06

Os "zibilizaus" gastamos más diners en as nuestras mascotas que no en os "inzibilizaus"


Fa no guaire beyé en uno d'os periodicos gratuitos una nueba soprendén, pero reyal: os ozidentals gastamos muito más (deziban os porzentaches, pero no'n remero) en cudiar as nuestras mascotas que no pas en rematar con a fambre en os países d'o tercer mundo...

Y no ye que ixo: cuan bella presona se proposa d'ir a bel d'istos puestos ta aduyar a las suyas chens, ye un raro que no sabe lo que fa.

No charremos d'a ipocresía d'a mayor parti d'a nuestra soziedat con a inmigrazión: ¡rematemos ya con a fambre en o tercer mundo! Ixo si, que no i biengan, millor que se mueran de fambre en os suyos puestos an que sabemos que nunca no podrán trobar-ie soluzión a la suya situazión.

Y ye que en o nuestro "micromundo" de color rosa, tot ye prefeuto... Pero que no mos quiten d'astí!

2 comentarios:

Charrabís dijo...

Ya tiens razón, choben.

Con a tuya notizia m'acuerto d'ixos golez que ban por astí con os cans d'ibierno bien abrigadez y bien caliens.

Fa pena que os oczidentals no pensemos más en os pobres, sí. Bibimos en un mundo de rosa en cheneral, pero yo tamién beigo que cada persona tiene un mundo de problemas personal.
Ixos golez, probablemén, se trobarán mui contentos de tener ixe can en casa suya.

Bueno, pero a la fin, o que importa ye que tiens toda a razón. Prou d'estar tan narzisistas.

Choben, cómo creyes que se puede soluzionar o problema que nos cuentas? (pregunta difízil)

Un saludo!!

Choben dijo...

Y tan difízil... ye berdat que no foi que carrañar-me con tot y no proposo garra soluzión, ;-)

Podría dizir que os gubiernos han de predonar a deuda, aduyar-les, asinas-asinas... Pero cuento que ixo no se ferá, y antimás no creigo que siga a soluzión.

Puestar que premitir una igualdat d'oportunidaz d'empenzipie dentre toda a chen siga a soluzión... Isto se podría conseguir "deszentralizando" o poder a l'indibiduo, a la presona.

O problema alazetal de güe puestar que a chen ye siempre parti d'una "masa"... O pueblo, a nazión, a soziedat consumista... no son que masas, pero nunca no una se fa cuenta de que ye, más que más, presona. Dentro d'ixa masa, o que se quiere ye estar acoflau, pero no aduyar a la resta d'a chen... y no paramos cuenta que no se puestar de tot bien uno mesmo si l'arredol no se troba tampoco de buen implaz en iste mundo.

Si un forano en furta, si se creman autos en franzia, si bi ha atentaus...(güello, no los chustifico, no digo que puestar que siga una causa dentre tantas atras) puestar que siga en parte por o "pasotismo" de nusatros mesmos en o tocán a los suyos problemas (prou que son OS SUYOS problemas, pero ellos mesmos no pueden adrezar-los: pobrez, dezimos cuan los beyemos morindo-se de fambre por a telebisión; mos sacan o treballo, dezimos cuan son aquí ta mirar-se de tener una bida millor).
Y tampoco no mos podemos premitir estar parti d'una masa.

A plantar firme!