1.8.06

As esferenzas mos amilloran a totz, de seguras

Buses de dos plantas con nomás una puerta y conduzindo por a cucha, esnabesar a carrera uellando a uesque (istos teclaus britanicos no i tien a dieresis), casas narachas, a chen bibe en os bicos de difueras, tot lo mundo en casa a las 6 d'a tardi, chen charrando raro...

Son ixas chiquetas esferenzas (estoi que no son tan grans como pueden estar-las en atras rechions, que mesmo charran castellano, como lo sur d'america) que te fan remerar que yes difueras d'o tuyo puesto d'orichen...

Ye prou poliú poder beyer isto: atra forma de bida, atra luenga y atra cultura.

Tot isto me refirma más en a mía ideya de que a "igualazión" no negatiba: biba la dibersidat!

3 comentarios:

Anónimo dijo...

Pus aue te i gqigq ,oql bùe ("pus que te baiga be" -es tecllaus fransesos son encara pior que es anglesos-). Ya mos contaras cuan tornes, i hei barias personas de fablilandia que em estau bibin per Inglaterra, ya intercambiarem esperiensias.

charrabís dijo...

Nino, entiendo cómo te trobas.

Yo te cuento a mía experienzia. L'atro año estié por Zentro Europa y en un gran zentro comerzial de Budapest, estié mirando as cosas que i eba y qué se i bendeba. Pues bien: o mesmo que aquí.

No i eba ni una sola cosa que los diferenziase... botigas, decorazión, marcas comerzials y tot.

O toque folklorista lo trobabas en os puestos ta turistas, en os lugars más tipicos luen d'a capital y poco más.

En Biena miré per tot mosica tradizional folk. Y en as botigas nomás me ufriban mosica clasica.

En atros biaches que he feito sí que he notau más o cudiau por as tradizions. Suiza y en bella mida Italia y Republica Checa m'han feito goyo por ixe sentimiento. En atros m'ha cuacau a mezcla de tot: Belchica y Holanda. Y Franzia me pareixe que se sale de toz os canons, no sé.

Ya nos contarás más cosas d'Anglaterra, que bel día me faría goyo d'ir-ie. Una pregunta, que igual no m'he enterau bien, nino. Os autobuses de dos pisos no los eban deixau de fer serbir?

Ala, pasa-lo bien! m'alegra que contines fendo notizias dende allá! ya nos contarás!

Choben dijo...

Bueno, d'esferenzas bi'n ha, pero tampoco no son folcloricas; por exemplo: os ninos d'a peninsula imos con pantalons "bermudas" y chambretas... os d'aquí ban "macarra-eminem"...

Atras cosas como os orarios y as lifaras son prou esferens.

A traza de bibir en bicos de difueras con todas as casas feitas d'a mesma traza...

Pero tampoco no son cosas folcloricas y "propias" por dezir-las de bella manera

D'os autobuses, bi'n ha d'un piso (son poquetz) y de dos (a mayor parti). Ixo si, cuasi no bi'n ha royos.