5.9.06

¿Qui ye o esculabolsas?

L'Achencia Catalana de Consumo (ACC) ubrió ayere un ecspedién informatibo a ryanair dimpués de que se faziesen 150 piñoras por parti de presonas que deziban aber-se sentiú embelecadas por a polemica publizidat qu'ista compañía aérea de baxos pres fazió en Barcelona.

Una ripia de presonas marchó t'a plaza Cataluña d'a capital catalana ta conseguir uno d'os billetz d'abión que prometeban regalar t'os que lebaban pegallos y pancartas an que se metiese en buen puesto ista interpresa y en mal puesto a ibera. A la fin a compañía s'esbarrancó y muitas presonas se quedón sin o suyo billet.

150 presonas dezidión ir t'a siede d'a ACC ta prisentar una piñora. Ryanair s'ha desincusau y ha dito que ufrirá atros 1000 billetz gratis t'as primeras mil presonas que nimbien t'a els un correu eleutronico con os suyos nombres y adrezas. Poco dimpuesas, els mesmos reconoxión que no teneba garra manera de beyer a chustizia en o prozeso con respeuto a las presonas que de primeras se quedón sin billet.

2 comentarios:

Anónimo dijo...

Ryanair, "No fagas que m'en faiga!".
Yo boy de tan en cuan con a mia interpresa ta Londres, y con ixo de que cal aturar os gastos, agora i bamos con Easyjet y Ryanair. No habeba mai bisto cosa parellana, cuan plegué a Stansted l'altro biernes(y ya fa mas de 10 añadas que boi de avion en avion).

Bi habeba cientos de presonas en una sala prou chicota, cadagun quereba ir se'n ta un pais diferen, pero presona sapeba do yera o suyo "Check-in", no bi habeba de esplicazions, os policias miraban totas as bolsas y pochas. No podebas demanar a denguna presona. Bi trobe una muller que no charraba angles y ploraba porque no sapeba como fer ta embarcar a suya bolsa.........

Ya que as solencas esplicazions que bi ascuite yeran en anglés, y ras dizeban unos bozeras angleses:" por asti ta Tirana!, ancara queda belun ta dublin?....

Y la culpa ye de Ryanair porque no ha guaire presonal, y as nuebas normas de seguritat anglesas prezisan de muita chen.....

Choben dijo...

Os prés d'os buelos ban a millor, manimenos a calidat ba a pior... (ixo ye o que me pa a yo).

Fa unas semanas torné dende manchester en un buelo de baxo coste con british airways. Tampoco no ye ta quexar-se pues bi eba organizazión, pero en contimparazión con buelos de fa 8 añadas an que te daban de minchar (agora no te dan ni un lamín) pues d'esferenza bi'n ha.

Manimenos... estoi que un buelo de baxo coste ye bueno si por 50€ u menos te puetz trobar en cualsiquier puesto de europa, disiempres que no bi aiga tal chandrío como me dizes que te pasó a tú.

Por zierto, noragüena por o blog, tien muita buena pinta.