Si no sabez qué fer ista semana santa, si no soz d'os que tos n'iz a esquiar u de bacanzas en cheneral y si no querez salir de casa por ista plebia que parex que nunca no ba a aturar, yo tos recomiendo dos peliculas ta pasar o tiempo:
En primeras tos recomiendo V de Vendetta con aczión y entretenimiento, pero no d'ixe que ixuga lo zerebro: importans reflecsión filosoficas y soziolochicas se enreligan con una buena dosis de efeutos de zienzia-ficzión y atra buena cosa de referenzias a fenomenos culturals de toda mena (pintura, literatura, zine...). Ye una pelicula d'a que aprendes una ripa de cosas cada begada que la beyes y a más importán, a ubrir-te lo tozuelo debán de tot. Antimás, o papel de Natalie Portman ye sobrebueno.
Dimpués tamién creigo que ye una buena pelicula El calentito, an que se reflexa muito bien a puenda d'a mobida con a bisión soziolochica particular d'una familia, asinas como cheneral d'a ziudat de madrid. Os peligros que bi'n eba, o menester de libertat y as nuebas trazas de beyer o mundo, asinas como a influenzia forana. O mesmo que en a pelicula d'antis: se fa mezclallo d'o entretenimiento asinas como d'una bisión soziolochica.
No hay comentarios.:
Publicar un comentario