18.6.08

Pareix mentira y no'n ye...

Un onso pardo se ficó en un restaurán rumano acompañau d'as suyas dos crietas. Dimpués de esclatar bellas mesas se posó en un posiello como un clién más.

A terror se fazió en o restaurán y como os onsos no rezibiban berolla, os tres animals s'endrezón ent'a conzina y se sirbión por a suya propia cuenta.

"Estió como estar en 'caragolez d'oro y os tres onsos', pero a'l bies", explicoteo uno d'os presens astí. "Y antiparti ista begada quereban tot o menú, no nomás l'abena de sobras que gosamos de dar-les". Una begada que estión satisfeitos, os tres animals marchón d'o local sin fer garra daño a las personas astí presens.

Minutos dimpués de marchar se fazión presens a polizía y autoridaz d'a bida salbache.

O comportamiento d'os onsos, antiparti d'estar prou curioso, amuestra que paran cuenta d'as autituz y trazas de bida d'o estar umano ta rezibir tamién els l'amenistau ta bibir sin fer serbir os suyos instintos propios.

3 comentarios:

Onset dijo...

Bai!, pos no m'eba enterato de cosa. Y ixo que siempre paro cuenta de cualsiquier notizia sobre onsos. Aspero que minchasen bien l'onso y os onsez. Qué caras ferían a chen d'o restaurán y, amás, se'n fuen sin pagar.
Me podrías dar bella fuen, que siempre me cuaca de leyer cosetas d'istas.
Muitas grazias.

Choben dijo...

http://www.elmanana.com.mx/notas.asp?id=62621

http://www.noticiaslocas.com/EkEFuZFluA.shtml

bi eba una noteta tocán a lo tema en a edizión dichital de 20menutos, pero agora no la trobo...

Onset dijo...

Grazias, choben. Ye una pena que no i salgan fotos d'onsos, ye que tiengo un archibo de fotos d'onsos pardos y siempre en pillo beluna de notizias d'istas.