13.7.06

Escomenzipia o congreso que marcará l'esbenidero d'a nuestra luenga


Iste maitín escomenzipió o II congreso tantas begadas menzionau, y que en os zaguers diyas mos ha traito una ripia de taquicardias... Manimenos escomenzipia bien:

Tras conferenzias sobre lo catalán, o gascón (feita ista en a luenga parisina) y l'asturiano (prou intresán as conclusions d'ista zaguera charrada, más que más por a parellana situazión de l'asturiano y l'aragonés, o que mos premite aprender o que s'ha feito bien y mal con ista luenga) feitas iste maitín, se pasará ista tardi a la botazión d'as autas de l'academia.

Dende o mío punto de vista, os onicos puntos negativos por agora son estaus: por una parti a manca d'autobidaz en a carrera, y por atra, a confirmazión fura d'o sobconzellero de educazión (o presidén y a consellera no se atrebión a benir-ie) de que, en primeras, o nombre "academia" ye problematico.

Edito ta charrar d'a tardi: se fazión comunicazions que i mancaban (parixe que cuasi no les doi importanzia, pero de berdat que no ye asinas: ye más, ye a parti que más goyo m'ha feito por agora. O siñor Bernat Joan ha charrau de l'aragonés como nunca no lo ha feito garra presona "forana"; s'ha charrau d'a que posiblemén siga a bariedat más "pura" de l'aragonés, que ye lo de Setué; Rosa Berceo mos ha tornau a una reyalidat que probablemén emos ixuplidato charrando tanto d'as custions graficas y de l'academia, que ye a bisión que tienen os fabladors patrimonial d'a suya luenga; y a la finitiba Lluis Xavier Flores mos ha feito un resumen d'as proposas graficas y d'as grafías meyebals ta l'aragonés prou fazil t'os piors tozuelos, con una conclusión que ha d'estar a norma cheneral cuan se trata de luitar por l'aragonés: o consenso de todas as partis, zediendo cuan cal, y prou que aportando bisiones, ta prener lo millor resultau).

Dimpués d'ixo se fazión as botazions d'as autas de l'academia, con un resultau asabelo d'esclatero:

101 botos a fabor > Seguntes Francho Rodés, isto suposa o 91% (yo me lo creigo, no tiengo ganas de fer operazions agora en bacanzas)
15 botos en contra > Seguntes o siñor Rodés suposa o 6%
8 abstenzions > O 3%, prou que seguntes Rodés.

Ya sabez, si he feito bella cosa mal as culpas ta Rodés. :-)

Por zierto, ya se fa beyer en a prensa os buenos resultaus d'o congreso:

http://www.diariodelaltoaragon.es/noticias/detalle.php?id=180269


------------------------------------------------------------------------------------------------

Manimenos, no tot ye l'aragonés ;-)

Suyiza a nuei chitaus en a tasca
anque con tú en o mío canto
rara, no bi'n eba cosa
antimás tu ya sabebas que te amo

3 comentarios:

Anónimo dijo...

Pues mui buen comentario y a berdat que tiens razón en ixos dos "peros". Esta nueit en Nogará i hai una borina. Espero beyer-te-ie, Choben!

Choben dijo...

Jolio, ya me fa fastio no poder ir-ie...

Bueno, sobre ixos dos peros, he de matizar que en a tardi ya s'ha dito que o domingo de tardis se piensa fer una "ruta de gaiters" por o zentro de zaragoza ta zelebrar o congreso.

Y sobre l'academia, tiengo asperanza con as parolas de Castán de reunions esbenideras con o gubierno una begada que l'acadamia siga feita o sabado. Estoi que cuan o gubierno beiga que isto ye democratico y, más que más, serioso, no bi abrá garra problema ta una academia como tal.

Anónimo dijo...

As culpas ta Rodés? Qui feba os perzentaches yera Francho BELTRÁN.