A unibersidat de zaragoza ye parando iste congreso que dende o diya 11 dica o diya 15 chuntará a 235 ecspertos d'a peninsula y latinoamerica. Ista añada o problema alazetal que se planteyará será a situazión d'os inbestigadors en istas rechions y más que más d'as mullers, que nunca no puyan por denzima d'o 14% de chen que s'adedica a istas labors con fama de catén, encara que muitas begadas no tiene por qué estar asinas.
L'ochetibo d'iste congreso, que en zaragoza cumple a suya seisena edizión, ye empentar a partizipazión y reconoximiento d'as mullers en as zienzias en cheneral. Se quiere amostrar de traza bisible a suya situazión, empentando una imbestigazión que risponda a las suyas necesidatz y fendo recomendazions a cada país ta fer que ellas tiengan o puesto que se merixen.
Por desgrazia no ye estau un congreso muito publizitau... pero tamién ye berdat que bel cartel s'ha puesto beyer en paseyo independenzia y que no ye un congreso dibulgatibo, sino espezializatibo.
Manimenos, siempre ye bueno que se faigan ista mena de cosas en a nuestra ziudat.
No hay comentarios.:
Publicar un comentario