21.12.06

Post numero zien... con nuebo blog.

Estricalla fa con iste o post numero 100. Dende que prenzipiamos, astí por o més de chulio dica agora, más de 100 feitos son estaus mesos en ista chiqueta parti d'a blogosfera que mira por a esfensa d'a luenga aragonesa.

En istos zaguers diyas, cuasi no he puesto escribir-ie. No me bagaba. Pero agora con as fiestas de nadal tornaremos a escribir un diya par d'atro, como cuasi siempre.

En zaguerías a blogosfera en aragonés ha teniú muitos problemas: bels blogs prou buenos han disparexiú, como ye o caso de "remenches" u "o fardacho asesino". Atros han aturau d'escribir, como ye o caso de "cordón trenzau", "acrataire", "esparbel rondador", "amelia" asinas-asinas.
Nomás "o chemeco d'as parolas" escribe.

Manimenos, ha aparexiú un nuebo blog con muitas buenas trazas: "fabla".

Aspero que no ature y que a resta de blogs retomen a suya autibidat. Por a mía parti, escribiré más agora en nadal.

Una ripa de nuebas han aparexiú, d'an que sobresalen dos, referens a l'academia:

1. A creyazión d'una pachina web que, encara en prebatina, ecsplicotea a labor de l'academia, como se diz en "fabla".

2. Una charrada parada por "unibersidá coleutibo aragonesista" sobre l'academia de l'aragonés ista tardi, como se diz en "o chemeco d'as parolas".

1 comentario:

Esparbel Rondador dijo...

Tiens razon choben, paiz que s'amorta a blogsfera aragonesa, cal mas "blogaires", pero para estarlo cal boluntá, countinuida, y que o treballo y la familia te dixen una miajeta de tiempo...:-(