5.1.08

Os masclos de macacos 'bosan' ta fer foriquetas

Bosar ta forcachar ye probablemén una d'as prauticas más antigas d'a raza umana, y seguntes un estudio publicau ista semana en a rebista britanica 'new scientist' bi ha un mercau d'o sexo d'entre os masclos macacos indonesios.

Dimpués d'estudiar durante 20 meses a bels 50 macacos de coda luenga en kalimantan tengah, una redolada d'indonesia, Michael Gumert, d'a unibersidat teunolochica nanyang en singapur, constató que as fembras feban zeprén de meya 1,5 bezes por ora, pero que ista frecuenzia puyaba a 3,5 begadas por ora si remataban de fer-se espegollar por un masclo.

As leis d'o mercau tamién influyiban en a balura d'ista peculiar transaczión. Si bi eba barias fembras en a redolada, o pre de buquir baxaba, ye dezir, un masclo podeba 'mercar' a una fembra por nomás 8 menutos d'espegolle. Pero o pre d'o sexo puyaba a 16 menutos si las fembras yeran pocas.

A ibestigazión crei en a teoría d'as fuerzas d'o mercau biolochico, que pueden explicotear o comportamiento sozial, endicó a rebista britanica.

"Bi ha una muita conoxida relazión d'entre a economía y forcachar en os umanos", dizió Ronald Noe, d'a unibersidat d'estrasburgo en franzia, autor chunto con Peter Hammerstein, d'a unibersidat humboldt en alemania, d'a teoría d'o "mercau biolochico". Asinas, "bi ha muitos exemplos d'ombres biellos ricos que tienen fabors de chobens mullers atrautibas", apuntó. Pareix que en os macacos puet-estar una cosa parellana.

2 comentarios:

Culibilla dijo...

eii que tal??yo en a facultat, q ya soi en zaragoza (x desgrazia,jaja)
que intresan ista notizia, y de bez que trista!!os macacos no solo son carniboros, sino que antimas son uns mascristas de güeña, en fin...
respeuto a ra notizia d´os esquiadors, han estau uns diyas de luto en l´alto galligo, pues uno d´os esquiadors muertos teneba un restaurán en formigal y atro treballaba ta Aramon, y allora yeran prou conoxitos en Formigal y Sallen.

que baiga bueno!!y estudeaaa

Choben dijo...

ei buenas! pos sí... ya tocan os malos diyas ya...

masclistas? pero si son ellas as que se dexan y antimás ye que quieren estar espegolladas, no lo refusan. Si estase a situazión a'l bies, de seguras que no diríanos que ye feminista (y puet-estar que mesmo diríanos: que listo que son os macacos masclos!).

a berdat ye que cualsiquiera mena d'azidens en as calendatas que emos pasadas siempre fan pena y fastio...
cuento que agora a resta ya tenemos atro feito ta pensar antis de fer o barrenau por os mons (dica fa dos añadas yo lo feba con una colla de mon dica que teniemos un azidén prou gran en o moncayo).

en fin, que baiga bueno!