7.2.08

De cómo Pepe Ánchel Saputo miraba de fer amigos balenzianos

Trobaba-se Pepe Ánchel Saputo en una reunión de diners con mainates balenzians cuan salió lo siempre polemico tema de l'augua, tan amenistada y tan escasa en a tierra balenziana y en a tierra do yera naixiú o nuestro protagonista, ixa d'os grans casinos.

Con medrana de que no le pasase como a lo teixidor, a qui enforcón, y beyendo-se sin l'aduya d'os suyos amigos d'o PAR, ixos tan majos que ban con trache de luzes y montera, pensó una soluzión digna d'a suya intelichenzia ta salir d'o problema.

O saputaz, tan espiguardau como de costumbre, ufrió una salida que nomás a el se le podría aber pasau por a mente. 'Prengan l'augua, ixo rai!' Bai... pero allora no podría tornar t'a suya tierra, porque sería astí an que l'enforcarían! 'Pues prengan-la dende a fin d'o río, cuan ya ye mar pero ye dulze encara, asinas no podremos dezir que nos sacan l'augua!'

Bel patantón dizió allora: "Pero siñor Pepe, si ya son 25 kilometros que ha ganau a mar a lo río en os zaguers tiempos!". En estar un pobrichón zarrioso con rastruzons en o pelo no le fazión mica caso, prou que no.

Y asinas ye como Pepe Ánchel Saputo se fue fendo más famoso, grazias a las suyas dezisions de saputo y a grans frases como "gran scala ye o millor que l'ha pasau a aragón dende Fernando el catolico".

2 comentarios:

Charrabís dijo...

Pues sí, encara que no de Pedro Saputo, que lo abría apañau muito millor, iste seguro que tiene debantpasaus d'Almudevar y por astí...

Con tot y con ixo, o tema de Gran Scala lo ha soluzionau muit bien, en plan Pleito a lo sol: como que l'augua no puede baixar ta os campos de golf y as mega urbes turisticas, faigamos-ne una nusatros!

Si o nuestro quiesto Braulio Foz debantase a cabeza... bel día caldría ir a beyer-lo a o fosal de Borja, no?

Anónimo dijo...

Encara que beluns puedan pensar-se que os sistemas colonialistas disaparixoron en o zaguer putolo, no cal que mirar-se a problematica d´o Pirineo, ta parar cuenta de que por desgrazia no ye asinas. Güe mesmo, o Pirineo no dixa d´estar una parzela ta beluns an que prebar d’esplotar, dica as zaguers consecuenzias, l’augua, a nieu u a tierra; an que poder construyir apartamentos u autopistas, u poder destruyir bals y lugars.
Pero en contra de toz ixos espolios y esferras, se troban as chens d´as bals; berdaders abitadors d´o Pirineo, que diya ta par d’atro luitan per poder sobrebibir con dinnidá deban d´as montañas que los beyoron naxer, u a quí acubilloron en eslexir una traza de vida diferén d’o gudrón y a urbe. Y si a bida en o Pirineo no estase difízil de por sí, istos moradors d´a montaña han de concarar a saquiadura que beluns quieren fer a pur de formigoneras, retroescabadoras y retoques.
Per tot isto, dende o Bloque Independentista de Cuchas, queremos dar o nuestro mas sinzero refirme a todas as chens que sufren en as suyas carnes l´espolio d´as nuestras montañas, bals y ríos; a todas las que luitan diya ta par d’atro contra Ios que quieren imposar parez asesinas de zimento y formigon. Y a la definitiba, transmitir-les un mensache esclatero y firme: No soz solos en ista baralla.
Per tot isto, tos animamos a ir ta la manifestazion que se fera en Iruña (Nafarroa) o 23 de Febrero ( 23-F), a ixo d´as 17.00 Oras en a “Estazion d´autobuses”.
Aturemos o recreximiento de Yesa!

Itoitz Hustu!

"Esfendamos a Tierra"

Bloque Independentista de Cuchas



Aunque algunos puedan pensar que los sistemas colonialistas desaparecieron el siglo pasado, solo basta con mirar la problemática del Pirineo, para darse cuenta de que por desgracia no es así. Hoy en día, el Pirineo no deja de ser una parcela para algunos, donde tratar de explotar hasta sus ultimas consecuencias, el agua, la nieve o la tierra; donde poder construir apartamentos y autopistas, o poder destruir valles y pueblos.

Pero en contra de todo este expolio y masacre, se encuentran las gentes de los valles; verdaderos habitantes del Pirineo, que día a día luchan por poder sobrevivir con dignidad en frente de las montañas que los vieron nacer, o que los acogieron al elegir un modo de vida diferente al del asfalto y la urbe.
Y si la vida en el Pirineo no fuera dura de por sí, estos moradores de la montaña han de enfrentarse al saqueo que algunos pretenden realizar a base de hormigoneras, retroexcavadoras y sobornos.

Por todo ello, desde el Bloque Independentista de Cuchas, queremos dar nuestro mas sincero apoyo a todos aquellos que sufren en sus propias carnes el expolio de nuestras montañas, valles y ríos; a todas las que luchan día a día contra aquellos que quieren implantar paredes asesinas de cemento y hormigón. Y en definitiva, transmitirles un mensaje claro y contundente : No estáis solos en esta batalla.

Por ello, os animamos a todos a acudir a la Manifestación que se realizara en Iruña (Nafarroa) el 23 de Febrero a las 17.00 horas en la "Estación de Autobuses".

Aturemos o recrezimiento de Yesa!

Itoitz Hustu!

"Esfendamos a Tierra"

Bloque Independentista de Cuchas

http://www.idivimage.com/files/kdohjtdvmnm0jzn5e2kz.jpg