De siempres charrando de l'aragonés m'he trobau con chen que ye en contra, sin ni sisquiera saber-ne brenca, y ye que en istas tierras somos muito daus a estar tozolas y negar y trancar-nos en una postura sin planteyar-nos sisquiera a ideya d'ascuitar, y charrando nomás con a intinzión de crebar os argumentos de l'atro y no de razonar-los.
Un esquema d'a situazión que te puez trobar en iste sentiu cuan charras de l'aragonés ye o siguién, alazetau en 7 pasos, con soluzions no zientificas pero sí efeutibas:
1.No existe. Ye común que digan que ye un ibento y que ixo no existe, que mai no lo ha ascuitau.
Soluzión: amostranza de testos en aragonés. Libros, rebistas... Bella cosa existe.
2.Ye un ibento. Le'n amostras y ascape te diz que ye un ibento, que ixo no ye reyal.
Soluzión: amostranza de bel testo istorico do se charra de l'aragonés (Montesquieu ye uno bueno, por exemplo).
3.Ya no se charra: Admite allora que istoricamén podió existir, pero diz que agora ya no se parla.
Soluzión: Bueno... le dizes que tú mesmo lo charras y le dizes bella frase, u l'amotras bel bideo de charrandotb.
4.Ye un castellano malfablau, u un dialeuto d'o castellano:
Soluzión: Un bideo majo de charrandotb, por exemplo o bideo d'o belsetán chan charra d'o queso en as capannas... No prene lo que diz... allora ye castellano malfablau u dialeuto d'o castellano?
5.No bi ha unidat: Agora, ixa persona que te deziba que no existiba te ba d'experta y te diz: pero ye que no ye que una luenga, en son muitas, no bi ha unidat, no existe l'aragonés en sí mesmo sino muitas luengas esferens.
Soluzión: tornamos con textos istoricos do se diz "aragonés" (u aragonais, si recurrimos a Montesquieu, exemplo que a yo personalmén me fa muito goyo), y mesmo le dizes que charrando estandarizau has puesto comunicar-te con chen de todas as bariedaz charrando els en a suya bariedat. Atra: bariedaz en l'aragonés? Pues sí, y en o castellano? benezuela, archentina, mexico, cuba, andaluzía u madrit charran igual?
6.Politizazión: Biene lo paso an que te diz que l'aragonés nomás fa onra como ferrallo politico u ideolochico.
Soluzión: Le dizes que una luenga no ye politica sino cultura, y que mesmo a mayor colla de ultradreitas de zaragoza, Ligallo de fútbol, tiene o nombre en aragonés. Le dizes casos de chen de toz os partius politicos que son intresaus y treballan por l'aragonés.
7.No tiene sentiu: No tiene sentiu destinar diners a una luenga que se fabla poco cuan toz nos podemos entener en castellano.
Soluzión: un mundo globalizau de raso nos fería perder os nuestros siñals d'identidat, y en o caso indibidual, buena cosa d'a nuestra personalidat, no seríanos que robots dentro d'una estructura y prou.
Le bufa la pocha y se'n ba... no ha puesto crebar os tuyos argumentos. Pero ixo sí, ni sisquiera ha prebau de pensar-los. Iba como un cocho rabioso a estricallar o tuyo pensamiento y no ha puesto. Globalizazión y perder a nuestra personalidat y identidat? Barucas de royos...
Un esquema d'a situazión que te puez trobar en iste sentiu cuan charras de l'aragonés ye o siguién, alazetau en 7 pasos, con soluzions no zientificas pero sí efeutibas:
1.No existe. Ye común que digan que ye un ibento y que ixo no existe, que mai no lo ha ascuitau.
Soluzión: amostranza de testos en aragonés. Libros, rebistas... Bella cosa existe.
2.Ye un ibento. Le'n amostras y ascape te diz que ye un ibento, que ixo no ye reyal.
Soluzión: amostranza de bel testo istorico do se charra de l'aragonés (Montesquieu ye uno bueno, por exemplo).
3.Ya no se charra: Admite allora que istoricamén podió existir, pero diz que agora ya no se parla.
Soluzión: Bueno... le dizes que tú mesmo lo charras y le dizes bella frase, u l'amotras bel bideo de charrandotb.
4.Ye un castellano malfablau, u un dialeuto d'o castellano:
Soluzión: Un bideo majo de charrandotb, por exemplo o bideo d'o belsetán chan charra d'o queso en as capannas... No prene lo que diz... allora ye castellano malfablau u dialeuto d'o castellano?
5.No bi ha unidat: Agora, ixa persona que te deziba que no existiba te ba d'experta y te diz: pero ye que no ye que una luenga, en son muitas, no bi ha unidat, no existe l'aragonés en sí mesmo sino muitas luengas esferens.
Soluzión: tornamos con textos istoricos do se diz "aragonés" (u aragonais, si recurrimos a Montesquieu, exemplo que a yo personalmén me fa muito goyo), y mesmo le dizes que charrando estandarizau has puesto comunicar-te con chen de todas as bariedaz charrando els en a suya bariedat. Atra: bariedaz en l'aragonés? Pues sí, y en o castellano? benezuela, archentina, mexico, cuba, andaluzía u madrit charran igual?
6.Politizazión: Biene lo paso an que te diz que l'aragonés nomás fa onra como ferrallo politico u ideolochico.
Soluzión: Le dizes que una luenga no ye politica sino cultura, y que mesmo a mayor colla de ultradreitas de zaragoza, Ligallo de fútbol, tiene o nombre en aragonés. Le dizes casos de chen de toz os partius politicos que son intresaus y treballan por l'aragonés.
7.No tiene sentiu: No tiene sentiu destinar diners a una luenga que se fabla poco cuan toz nos podemos entener en castellano.
Soluzión: un mundo globalizau de raso nos fería perder os nuestros siñals d'identidat, y en o caso indibidual, buena cosa d'a nuestra personalidat, no seríanos que robots dentro d'una estructura y prou.
Le bufa la pocha y se'n ba... no ha puesto crebar os tuyos argumentos. Pero ixo sí, ni sisquiera ha prebau de pensar-los. Iba como un cocho rabioso a estricallar o tuyo pensamiento y no ha puesto. Globalizazión y perder a nuestra personalidat y identidat? Barucas de royos...
4 comentarios:
Muit bueno o tuyo comentario. Estoi que nos sentimos toz muito identificaus, y has feito una descripzión bien esauta d'as trazas de pensar de muita chent. M'has feito pensar en as dezenas de bezes que he mirau de argumentar con chen que no quiere argumentos y ban con o tozuelo bien trancau. A parte positiba ye que fa bels años a descusión remataba d'a mesma traza (le bufaba la pocha lo que dezibas y se'n iba) dimpués d'os tres u cuatro primers puntos! Agora á lo menos se leba a descusión enta o plano economico-presupuestario (ye berdat, as zagueras descusions que he teniu han rematau en ixe punto)! Por zierto, charrandotb y os bideos de A Parola han feito muito bien ta ubrir os güellos a bellas chents (á lo menos os que no los tienen trancaus con clau).
ye una penica, ya no por o tema de l'aragonés, sino por estar asinas a ran cheneral... y que conste que soi o primero que soi estau asinas y que de cabo cuan encara en soi. A clau no ye os argumentos (ixo nos daría satisfaczión interna, pero cosa más), a clau ye cambiar ixa mentalidat zarrada tan presén...
Choben, enhorabuena por iste esquema. Ye clabau. De feito, malas que te trobas bel par de begadas con personas que argumenten en contra de l'aragonés ya sabes o que te dirán, cómo les ne has de responder, a suya respuesta y tot o prozeso que ye siempre o mesmo... un aburrimiento, nino, ya lo sabes bien. Juan Pablo tiene razón en resaltar o tema presupuestario, sin duda ye de moda. O peyor ye que malas que i piensas un poquet beyes que l'aragonés puede creyar puestos de treballo -que a la fin ye o que cal- por tot l'Alto Aragón (museus, zentros de interpretazión, traduczions y traductors, guidas, TURISMO lingüistico, metodos d'aprendizache -editorials-, programas d'intercambio, publicazions, imbersión europea...) y mesmo riqueza y cultura con un gasto minimo! Tot CHUNTO [No entraré, por agora, en criticar y comparar -como con as subvenzions milloranias ta ebentos taurinos, por exemplo-]. Nomás con resaltar os benefizions ya mesmo sería PROU. Y ye que una luenga, ni que queramos ni que no, ye tamién un gran producto de mercau... que le'n digan a l'anglés u a o nuestro chermano o catalán.
En fin... Que en ye d'atrebida a ignoranzia!!!
Publicar un comentario