1.6.08

Troban nueba tribu

Una d'as zagueras etnias indichenas con as que nunca no eba estableixiu contauto l'ombre moderno estió bista en a selba oczidental de l'amazonas, amán d'a muga con perú, anunzió a Fundazión Indichena Nazional (FUNAI). Os indichenas estión bistos en a reserba ecolochica que se troba en o río envira mientras buelos feitos en o cuasi esconoxiu estau brasileño d'acre.

FUNAI informó que fazió fotografías de guerrers "fuertes y saludables", seis chozas y un gran fener. Pero a tribu yera esconoixida, dezió a fundazión. "Cuatro lugars diferens y isolaus existen en a rechión, en a que somos estaus por 20 años", afirmó Jose Carlos Meirelles.

FUNAI destacó que no estableix contauto con os indichenas y prebiene a inbasión d'as suyas tierras, ta asegurar l'autonomía de raso d'as etinas isoladas. A organizazión de refirme a clicas indichenas, Survival International, informó que os indichenas son en peligro por a tala ilegal en perú, que leba a las comunidaz isoladas a esnabesar a muga y podría orichinar un conflito con os cuasi 500 indichenas que biben a l'atro costau d'a muga. Bi ha más de 100 etnias isoladas en o mundo, y a mayoría se troban en brasil y perú, afirmó a fundazión en a declarazión.

"Istas fotografías son a ebidenzia más esauta de que as etnias isoladas existen reyalmén", declaró o direutor de SI, Stephen Corry. "O mundo amenista rebellar debán isto, y asegurar-nos de que o suyo territorio siga proteixiu d'alcuerdo con as leis internazionals. Si no, luego se prebocará a suya extinzión":

Entre as fotos destacan ixas en as que se bei como os ombres d'a tribu miran d'enrestir con tochos y lanzas a l'elicoptero que las fa.

1 comentario:

Charrabís dijo...

Sin duda, tot un tresoro antropolochico, cultural, lingüistico... he leyiu que un grupo d'expertos de Perú ban en camino de contactar prenendo as midas oportunas porque claro, una pasa como a gripe u a cagalera ye mortal. No sé, miedo me fa que contacten, a verdat, encara que sía por motivos cientificos (que no sé yo).

En fin, una notizia trenda, choben, igual son istos os que fa meses decibas que charraban meyoaragonés! :)