Si prenzipio dezindo que o mobimiento d'esfensa de l'aragonés -tanto de normalizazión como de normativizazión- ye masiau esparricau, por no dezir esboldregau, no soi dezindo garra nobedat. Con tot y con ixo quiero presentar un chiquet analís d'a situazión y una propuesta de nueba traza de treballar por l'aragonés.
Analís
En un primer momento, toz somos personas, indibiduos, que por uns u atros motibos dezidimos treballar por l'aragonés, en cuasi toz os casos de traza altruista. Asinas, ye bien claro de do partimos (a nuestra indibidualidat) y cuála ye a meta, a esfensa d'una luenga en periglo, l'aragonés. Os que femos parti d'o mobimiento d'esfensa de l'aragonés, somos pues un conchunto de personas con una fin común (esquema 1).
Ascape, as personas nos arroclamos en collas ta fazilitar y fer a más fuerte a nuestra faina indibidual por l'aragonés grazias a o treballo de conchunta con atras personas con os mesmos intreses. Asinas, aparixen dende a normalizazión d'a luenga asoziazions culturals y coleutibos parellanos, y dende a normatibizazión, esferens propuestas a la ora de pillar una luenga común que permita a espresión en aragonés en toz os ambitos d'a bida (esquema 2). S'ha de parar cuenta que muitas begadas bi ha correspondenzias entre entidaz que miran por a sozializazión d'a luenga y entidaz que miran por a suya normatibizazión.
O problema surte cuan as estruturas intermeyas entre a nuestra faina indibidual y l'ochetibo final, l'aragonés, se tricolotian entre sí. Istos problemas troban causas esferens (chobinismos y egozentrismos de bels indibiduos, manca de comunicazión, cambios chenerazionals mal chestionaus, intreses economicos, intreses politicos...), que estoi que tú conoxerás tan bien como yo, asinas que no cal fer analís más fundo d'istas causas aquí. Ye allora cuan ixos indibiduos pasan a luitar por os coleutibos a os que perteneixen (ya sigan normalizaders u normatibizaders), entran en barallas, y no paran cuenta y mesmo desprezian a faina d'a resta (y l'aragonés no ye como ta ixos luxos). O que en prenzipiar eba d'estar una aduya ta canalizar a nuestra faina indibidual por l'aragonés, a la fin se conbierte en un barrache ta l'aragonés (esquema 3).
A soluzión que se proposa allora ye mirar de fer mobimientos de conchunta que arroclen a toz istos mobimientos intermeyos -y allora tamién a toz os indibiduos- que luitan por l'aragonés (esquema 4), pero ista soluzión pocas begadas ye estada satisfatoria.
Proposa de treballo
Os supramobimientos que han mirau d'arroclar a todas istas estruturas intermeyas entre o treballo indibidual y l'aragonés (asoziazions culturals, entidaz normatibizaderas, asinas-asinas), son estaus muitos: plataformas, coordinaderas... En he feito parte de beluns, y a esperienzia perén ye estada a mesma: muitas personas d'as que i pintan no tienen intrés en partizipar-ie, les puede más o suyo ego que no una buena boluntat, u direutamén quieren figurar muito a penar de que no treballan cosa y fer parti d'ista mena de plataformas les dixaría en ebidenzia. En cualsiquier caso, istas supraentidaz rematan conbertindo-se poco menos que en nuebas asoziazions, en nuebas entidaz intermeyas, o que les quita a razón d'estar. L'onico mobimiento esitoso d'ista mena ye estau Chuntos por l'aragonés.
Asinas, a soluzión que proposo ye tornar a o esprito inizial: ye dezir, a treballar dende a indibidualidat, a mirar de eliminar nombres d'estruturas intermeyas, y mesmo d'indibiduals masiau conoxius (esquema 4), en as fainas que se desembolican por l'aragonés. Iste ''inozén'' anonimato elimina os sesgos negatibos, y fa que as fainas por l'aragonés pleguen dillá dentro d'a chen implicada por l'aragonés, que no bi aiga rezelos. Igualmén, ta salbar os barraches d'as entidaz intermeyas normatibizaderas, proposo aprender as esferens soluzions qu'han proposau -por agora nomás graficas- y fer serbir a que cadagún fa serbir cuan se charra por escrito con els (ye una perdida de tiempo, lo sé, pero asinas somos...).
Ye berdat que as estruturas intermeyas no se pueden eliminar de tot: s'amenistan ta demandar subenzions, ta parar autibidaz y ta tener una miquitineta de coesión entre collas de chens muito amanadas (alumnalla de cursos que se beyen todas as semanas, por exemplo), pero cal esbafar o más que se pueda o papel d'istas estruturas intermeyas ta que pille o protagonismo qui reyalmén lo ha de pillar: l'aragonés. Ye berdat que cal tener muitas tragaderas por os desprezios y as mancas de respeto de bels gilipollas chobinistas, que por desgrazia, no'n son pocos en o mundo de l'aragonés... pero isto nomás troba una soluzión: pazienzia y ''tiempo al tiempo''.
8 comentarios:
L'analís no ye nuevo, implicitament se leva proposando muito tiempo, y como bien has dito s'ha conseguiu una vegada, u quasi, fue o caso de Chuntos por l'aragonés. En este caso quasi totz ibanos en una dirección y quan pareixeba que ibanos a plegar enta un puerto adequau, va y resulta que no valeba o feito por que o resultau no feba goyo a uns pocos, y l'obchectivo marcau s'ha quedau a metat. Cal estar concretos. En o movimiento por l'aragonés no i ha habiu unanimidat en a percepción de a labor normalizadora y por o mesmo en a normativizadera, quan dentro de o sino de o movimiento neofablant a supuesta uniformidat se metió en dubda se miró de trobar una solución que replegase a totz, pero pa ixo no se podeba estar inmovilista. Cal cambiar d'estratechia y de trazas, mesmo en qüestion de grafias. Un amigo deciba fa tiempo, yo no sé guaire pero se preguntar. Voi a mandar una pregunta a tot quisqui, ¿Yes disposau a cambiar en bella cosa a tuya postura? ¿Puetz renunciar, encara que siga parcialment, a posicions propias? Si tot o mundo diz que sí, allora se puede fer qualcosa, si no no s'aconseguirá pon. Una vegada que se diga que sí, allora caldrá preguntar por ¿Qué se puede cambiar con a ideya de confluir?
En o tocant a las grafías estoi que o problema ye diferent. ¿Qué ideya de normalización tenemos, qué estratechia de revitalización tenemos pa l'aragonés?, y más que más. ¿Qué percepción de a realidat de a luenga tenemos? Conntinará
Muitas gracias por o tuyo mensache, RUBRA SIMIENT.
Me fa duelo no haber-me feito entender bien. L'analís que proposo no ye o d'achuntar-nos totz. Como bien dices, ixo ye o que se leva proposando dende fa muito tiempo, y como bien somos d'acuerdo, nomás 's'ha conseguiu una vegada, u quasi, fue o caso de Chuntos por l'aragonés'. Pero a mía ideya no ye a de confluir. Yo lo doi por imposible. ¿Por qué? Porque -respondendo a la tuya demanda- no totz son disposaus a renunciar a las suyas posicions. En o post nomás adedico dos frases explicitas a isto: 'Istos problemas troban causas esferens (chobinismos y egozentrismos de bels indibiduos, manca de comunicazión, cambios chenerazionals mal chestionaus, intreses economicos, intreses politicos...), que estoi que tú conoxerás tan bien como yo, asinas que no cal fer analís más fundo d'istas causas aquí (...) muitas personas d'as que i pintan no tienen intrés en partizipar-ie, les puede más o suyo ego que no una buena boluntat, u direutamén quieren figurar muito a penar de que no treballan cosa y fer parti d'ista mena de plataformas les dixaría en ebidenzia'.
Allora, ¿qué proposo yo? Directament no aspirar a o treballo de conchunta, sino a treballar dende a individualidat: 'a soluzión que proposo ye tornar a o esprito inizial: ye dezir, a treballar dende a indibidualidat, a mirar de eliminar nombres d'estruturas intermeyas, y mesmo d'indibiduals masiau conoxius'. Pasar de asociacions, dixar d'aspirar a movimientos de conchunta, simplement veyer-nos como individuals que viven en aragonés y treballan por l'aragonés. A chent que reyalment treballa por l'aragonés y no tiene un ego tan puyau a la fin s'achunta solenca, ;-).
Voi a mirar de sintentizar a mía postura d'atra traza, a veyer si asinas me foi entender millor (os más importants son os puntos 4 y 5):
1. Somos personas que prencipiamos con un intrés común: l'aragonés.
2. Femos asociacions y atras entidaz intermedias entre a nuestra fin, l'aragonés, y a nuestra individualidat, con l'obchetivo de canalizar iste intrés.
3. Por custions X nos tricolotiamos, y istas entidatz intermedias (normativizaderas y normalizaderas) se rematan convertindo en a fin, que dixa d'estar ya l'aragonés.
4. A solución que se gosa de proposar ye que nos achuntemos totz. Ista solución ha contrimostrau estar poco factible.
5. A solución que proposo yo ye que treballemos o más posible dende a indibidualidat, pasando d'asociacions en as nuestras accions siempre que se pueda, y mesmo mirando de treballar de traza o más anonima posible.
Si me demandas a yo personalment por a mía postura, estoi que o plano más cheneral ya te lo he dito, pero estando más concreto, treballo dende a individualidat y colaborando en totz os proyectos que me surten (siempre que tiengo tiempo, profés) y que miran por l'aragonés, los faiga qui los faiga, y cuan ye dentro de l'asociación a la que perteneixco, mirando que o nombre d'ista apareixca o menos posible ta evitar cualsiquier sesgo negativo que faiga que l'impacto final no siga tan gran como podeba estar (estratechia que femos servir dende fa bells meses). Más en concreto, mientras a fin siga l'aragonés, a yo rai con qui treballar, a yo rai a renunciar a nombres, y a yo rai fer servir una V, una B, u mesmo una Ç. Somos voluntarios por l'aragonés, ¿por qué nos han d'importar tanto istas cosas?. Sencillo, ¿no?
Aspero haber-me feito entender millor agora. Salut!
Quiero emplear el castellano para no ofender ninguna postura. O quizá ofenda a todas las posturas. En mi opinión y larga experiencia como espectador no se trata de exposición de modelos sino de respeto DEMOCRÁTICO de unas reglas primigenias que no se han respetado. El proceso u hoja de ruta, como ahora gustan denominar, ha sido claro. Un primer modelo, según para quienes incorrecto y que se ha criticado hasta negar nuestra propia historia de lucha reivindicativa. Un segundo modelo que representa el papel de extramado y a veces extravagante, con no menos personalismos y egoismos. Un tercer modelo ¡Oh! milagro, que también ha representado un papel: el papel de moderador, de postura centrada, racional, Gracianesca, que en el fondo busca no sólo lo mismo que el segundo modelo sino el anhelo de cuartas y quintas ambiciones nada aragonesas. Que cae a menudo en el espejismo de creer que ha conseguido unanimidad (craso error). Se parte, pues, de un "querer avanzar revolucionario" rompiéndolo todo, toda baraja y que ha llevado a un claro silencio de la pequeña y dividida comunidad "fabladora" del aragonés o de su reivindicación y dignificación (sueño eterno de las grandes mayorías políticas incluso del propio Aragón). Flaco servicio a la lengua que más peligro corre de Europa. Todos o muchos aplaudiendo con las orejas. En algún otro comentario o comunicado (J.Bada, por ejemplo) daba y da el aragonés por perdido y eso que formaba parte de unas Academias viciadas y lo peor politizadas desde el principio. Y peor todavía, algún nombre particular señero histórico en la defensa del aragonés, suscribiendo lo dicho por tal ex-consejero de ¿Cultura? de un gobierno ¿progre? de ¿Aragón?. Mi pregunta a los dos (Rubra Simient y Choben)¿cómo esperáis que respeten vuestras posturas si en un futuro no lejano pueden aparecer décimas, vigésimas, enésimas propuestas que deliberadamente, maliciosamente NO respeten ni vuestras posturas ni posturas anteriores o posteriores? ¿Por qué habría que aceptar ninguna propuesta si ninguna se acepta entre sí, desde hace unos años? ¿Por qué se etiqueta de pro-espanyol o anti-catalán y más aún quién se erige con derecho a etiquetar, vetar el uso de un modelo u otro (a mi me han vetado en ciertas enciclopedias) o recriminado cierto uso habitual hasta ahora? Antes de nuevos planteamientos (opciones y más opciones) habrá que hacer un análisis auténticamente OBJETIVO de lo sucedido en estos últimos años. Haceros una simple pregunta ¿se habla más aragonés ahora? ¿se escribe más aragonés ahora? ¿los modelos (espejos) en los que se han basado los diferentes modelos son realmente NUESTROS y exclusivamente nuestros, es decir, aragoneses, sin rastro de nuevos personalismos y nuevas politizaciones? Para "Choben"...No está mal proponer un nuevo cómo tabajar por el aragonés, por pequeña propuesta que sea, pero ¿no fue ese el objetivo primigenio de Ligallo de Fablans de l'Aragonés, un confluir de distintos hablares altoaragoneses en Zaragoza? Y lo más inquietante...¿a quién o cuándo hacemos caso los neohablantes (vata palabreja en Aragón)si quienes participaron, fomentaron, impulsaron, un modelo lo cambian al albur de sabe qué o porqué?.
En mi experiencia he visto usos del aragonés muy establecidos, muy asumidos, que un buen día una mente preclara nos dijo que así estaba mal dicho y se corregía y se decía de otra manera. He hecho caso a todos esos que han iluminado el camino y he de decir con tristeza, que todos y todas las asociaciones han fallado a la hora de practicar docencia con sus malos ejemplos. Y con más tristeza y conocimiento de causa digo que las nuevas generaciones de hablantes, escribientes, reivindicadores del aragonés conocen menos y peor nuestra lengua, la emplean muy mal y no tienen claro nada más que han de imponer y eliminar culturalmente al que no piensa y se expresa como él/ella. Cuando he mostrado a un castellano un texto hablado o escrito de aragonés, me han comentado: Parece gallego o catalán o incluso que les suena extremadamente rudo y sonoro como el propio euskera. Cuando oigo críticas al aragonés dicen que es copia del castellano y no con menos asombro veo últimamente cómo se sustituyen palabras aragonesas (y muy aragonesas) cuando no se conoce su existencia y uso, por otra directamente catalana (no empleadas ni siquiera por la modalidad aragonesa más oriental que me digáis). Veo una aculturización soterrada en toda esta hoja de ruta y un claro interés desde la mesa de algún despacho de una Administración lejana de cambiar lo que ya era nuestro por algo que se me antoja más orthophedico, artificial y alejado de cualquier variedad local de aragonés. Veo nuevos mapas, nuevas rayas, nuevos tiempos y nueva lengua. Espero que no acabéis las distintas facciones enzarzadas en discusiones sobre churras o merinas, porque tal vez sean "moncayinas" o "rasas". Se trata de nosotros, los aragoneses y de lo que quieran sus cada vez menos hablantes patrimoniales, sin desdeñar a los neo-hablantes, que creo ha sido el colectivo más maltratado de todos en esta extraña reivindicación cultural. Mi postura ha sido permanecer fiel a lo ya conocido y parece que esa es la postura más incómoda para todos. Por lo tanto seguiré espectante ante esta anarquía en la que nada tanto tiburón.Callo pues. Mi pequeña propuesta sería despolitizar, de verdad, esta reivindicación. Los políticos y sobre todo los partidos han acabado empuñando la puntilla contra el aragonés. Mi propuesta, más en la línea de "Choben" sería canalizar una demanda INTERNACIONAL y auténtica en instituciones supranacionales y una exigencia clara por el cumplimiento de la legalidad vigente que ninguno ha cumplido. Ante el revuelo, orden. Ante el incumplimiento, la ley. Creo que los aragoneses nos hemos caracterizado históricamente por respetar la ley escrita. Y Nos, los aragonesófonos somos más que Vos (asociaciones, partidos, políticos, nacionalismos...) Los derechos son de las personas, no de los territorios. Aunque "Choben", tendrás que reconocer que al final de los caminos habrá que confluir en un modelo académico o caeremos en una dialectalización en la que sí que parece todos estábamos en contra de caer. Disculpen mi atrevimiento por emplear la lengua del imperio y la imposición fascista y no doblegarme ante ninguna propuesta (aragonesa).
A berdat ye que no sé cómo espresar-me millor... o talmén siga millor demandar-se cómo conseguir que a chen opine abendo-se leito o post tocán a o que se quiere opinar.
En fin, atra begada beigo una respuesta que representa prezisamén o que se diz en o esquema 3. Una postura biziada en rencors y egos arredol d'as estruturas meyas que s'han formau ta canalizar o treballo indibidual enta l'aragonés, y que yo propongo reduzir o más posible.
Dito isto, miraré de responder a las demandas que me planteyas direutamén:
-> ¿cómo esperáis que respeten vuestras posturas si en un futuro no lejano pueden aparecer décimas, vigésimas, enésimas propuestas que deliberadamente, maliciosamente NO respeten ni vuestras posturas ni posturas anteriores o posteriores?
A mía postura, que estoi que no t'has leito, ye bien senzilla: que me dixen treballar a yo con os míos recursos direutamén por l'aragonés y no me biengan con istorias de asoziazions, grafías, asinas-asinas. PROU. ¿Qué no me dixen fer ixo? Ostias, ixo sería muito grau...
-> ¿Por qué habría que aceptar ninguna propuesta si ninguna se acepta entre sí, desde hace unos años?
No quiero que se azeute a mía proposa. Ye una proposa que parte d'a indibidualidat, de que cadagún faiga o que quiera pero siempre pensando en l'aragonés y no en atras istorias (asoziazions culturals, grafías...). La digo por si a belún le fa onra. Prou.
-> ¿Por qué se etiqueta de pro-espanyol o anti-catalán y más aún quién se erige con derecho a etiquetar, vetar el uso de un modelo u otro (a mi me han vetado en ciertas enciclopedias) o recriminado cierto uso habitual hasta ahora?
Yo ni etiqueto ni biedo ni carraño... no me trobo identificau en ixa demanda.
-> Antes de nuevos planteamientos (opciones y más opciones) habrá que hacer un análisis auténticamente OBJETIVO de lo sucedido en estos últimos años.
O mío analís ha mirau d'estar ochetibo. Si no'n ye u puet amillorar-se dende ista ambiesta, me fería goyo que m'esplizitases an.
-> Haceros una simple pregunta ¿se habla más aragonés ahora? ¿se escribe más aragonés ahora? ¿los modelos (espejos) en los que se han basado los diferentes modelos son realmente NUESTROS y exclusivamente nuestros, es decir, aragoneses, sin rastro de nuevos personalismos y nuevas politizaciones?
Se charra más aragonés agora: no lo sé, soi masiau choben ta poder contimparar. Manimenos, as mías ambiestas son más optimistas que no as d'a resta. ¿Modelos? No me meto... no ye a mía baralla: a mía baralla ye l'aragonés, no os modelos.
-> Para "Choben"...No está mal proponer un nuevo cómo tabajar por el aragonés, por pequeña propuesta que sea, pero ¿no fue ese el objetivo primigenio de Ligallo de Fablans de l'Aragonés, un confluir de distintos hablares altoaragoneses en Zaragoza? Y lo más inquietante...¿a quién o cuándo hacemos caso los neohablantes (vata palabreja en Aragón)si quienes participaron, fomentaron, impulsaron, un modelo lo cambian al albur de sabe qué o porqué?
Tocán a la primera demanda, ya digo que tal y como ye o panorama de sozializazión de l'aragonés, apuesto por dar a menos importanzia posible a asoziazions y atras estruturas intermeyas entre a nuestra faina indibidual y a fin, l'aragonés.
Tocán a modelos... repito: no me meto, no ye o mío problema. Y como le deziba a RUBRA SIMIENT, cuan m'endrezo ta uns foi en serbir uno, y cuan m'endrezo t'atros en foi serbir atro. Ebito problemas y o más importán, treballo por l'aragonés.
-> Mi propuesta, más en la línea de "Choben" sería canalizar una demanda INTERNACIONAL y auténtica en instituciones supranacionales y una exigencia clara por el cumplimiento de la legalidad vigente que ninguno ha cumplido.
Que yo sepa no he dito isto por garra costau... pero encara asinas, treballar dende os documentos internazionals que nos acullen ye una faina sobrebuena, y menester tal y como son as cosas. Soi d'acuerdo.
-> Aunque "Choben", tendrás que reconocer que al final de los caminos habrá que confluir en un modelo académico o caeremos en una dialectalización en la que sí que parece todos estábamos en contra de caer.
Sí (encara que talmén a parola dialeutalizazión no siga a más adecuada). Pero yo lo tiengo bien platero, que treballenisto os que quieran fer-lo y como quieran fer-lo. Yo continaré treballando por a sozializazión y a codificazión de l'aragonés.
RESUMEN. O que proposo ye que, bisto o panorama, cadagún treballe por l'aragonés como bien pueda pero sin xublidar una cosa: a fin ye l'aragonés. ¿Modelos y todas ixas cosas? Me bufa a pocha. Y un consello: leye antis os posts. No quiero parixer fachendoso obligando-te a leyer una cosa que he escrito, pero sabe una mica mal que me atribuigas ideyas que no he dito, u que me faigas demandas a las que prezisamén respondo en o post debanzaguero... Talmén ista mena de cosas siga motibada por o biziau que ye o mobimiento de l'aragonés y por dar más importanzia a estruturas ta canalizar ista faina (modelos, asoziazions...). En tot caso, o primero ta mirar d'eslampar d'isto será leyer o que se diz, digo yo (o d'empatizar ya ye una quimera).
Meto o tuyo post en o mio blog Nabatiando.com.
Esprisions.
Publicar un comentario