21.4.08

Achenda t'o diya d'o libro

Iste 23 d'abril, diya d'o libro, uno se puet trobar una gran mena d'autibidat ta no quedar-se en casa aburrindose. D'entre todas as que podez trobar, tos recomiendo as siguiens:

En primeras a presentazión d'o libro "O reino de l'augua", en o paseyo independenzia. Iste libro, que nos amostra una clica de relatos ta ninos, charra de l'augua, con personaches mitolochicos y contribuyindo a conzienziar-nos tocán a iste bien, y antiparti en aragonés. Os suyos autors, Rocío Montañes y Santiago Paricio ferán una firma de exemplars dende as 12 dica la 1 d'o maitín: ir-ie antis con antis u s'acotolará a tirada!

Tamién en o maitín se ferá en l'aljafería una conzentrazión de denunzia d'a situazión d'as luengas d'aragón. Os suyos fedors ribagorzanos mirarán de fer bel auto reibindicatibo. Manimenos no ha quedau encara guaire platero o que ferán, cuán y esautamén do (sincusar a mía manca de datos).
Ya de tardis se ferá a leutura de testos en aragonés, parada por o ligallo de fablans. Ya sincusarez a mía desinformazión, pero en zagueras boi asabelo aqueferau y no trobo o puesto nian a ora en a pachina web d'o ligallo nian por o rete.

3 comentarios:

Charrabís dijo...

Yes un sol...
No t'esperes guaire, que ye un libret muit modesto y chicot en fuellas. Pero bueno, una coseta més ta os poquetz ninos que biben en aragonés...

Nos beyemos!

Anónimo dijo...

As leuturas as paró l´Asoziazión Bente d´Abiento (www.bentedeabiento.com). T´informaremos puntualmén d´as nuestras autibidaz.

Víctor.

Choben dijo...

he de demandar perdón por no informar-me más sobre o que boi escribindo. En zagueras boi radiu y por ixo, me pareixeba que las feba ligallo cuan estió bente d'abiento, mil sincusas.