En dos cabos de semana marcho ta Filipinas, a tierra d'os míos amors, pero que conste que en bells pocos meses m'acompanyará Phương, l'amor d'a mía vida -lo menos por agora-, y con ixas envistas y apatrusquiando os horarios de treballo, iste zaguer cabo de semana faciemos una escapadeta ta Tam Đảo, un lugar a tasament 70 kilometros d'o centro de Hanói enfaixonau en metat d'una sierra con mesmo nombre, a bells 1000 metros d'altaria.
Malas plegar, me pensé que sería a tipica copia quasi cartón-piedra de puestos europeos
fetiches t'os asiaticos, tipo Venice Mall en Manila u Venice Casino en Macau. Pero mirando-me una mica a historia d'o puesto ta escribir ista dentrada, cata que no, que inicialment estió desenrollau por os gabachos en 1907 como puesto de descanso y fuita d'a fuixina veranenca de Hanói. Y encara que hue cuasi toz os edificios son recreyacions fetichistas, encara se'n conserva a ilesia y casas orichinalment colonials.
D'atra man, Tam Đảo tien un microclima de montanya y de
contino se veye a formación d'as boiras. Ta arrivar-ie cal fer un puerto repoliu que en poco más de 10 kilometros concara 900 metros de deslivel, un paradiso t'os ciclistas, y una vegada alto, se plega en un lugar turistico, y tot ixo fa que lo identificase con o balneario de Pandicosa antismás, u mesmo con Baguio en Filipinas, encara que ista zaguera ye una ciudat grant mientras que tot o distrito de Tam Đảo tasament presenta 65.000 habitants -sin contar os propios turistas.Tamién cal decir que de nueiz tot teneba más lumbretas que no Vigo.
Con tot y con ixo, poca información se'n troba de Tam Đảo en o rete, y ye que o puesto no
ye destinau a o turismo internacional u de más alta clase, sino más bien a un turismo local. Y ixo ascape se nota. En tot o cabo de semana, de milentas de personas con as que nos i trescrucemos, nomás veyemos una parella de foranos, y os turistas locals astí vestiban ropas más raixosas, se centraban muito más en os ninos, que d'atra man yeran muito más simpaticos que no en Hanói, canturriaban karaokes a tot estrús a cualsiquier hora y sonrediban muito más que no en Hanói. Y Phương me confirmó, tal y como sospeitaba, que ixa chent veniba d'arias rurals vietnamitas, no pas de Hanói, y yo los veyeba como filipinos, y prou que trobando-me muito más a gusto con ixa mena de chent más chalanguera que no con os fachendosos de Hanói.
D'os dos días que en tenébanos, o primer baixamos d'a val y marchemos t'a val mugatiza
de Tay Thien, que tien asabelo de molimentos relichiosos, y tamién rutas y badinas. En primeras me pensaba que uno iría con a moto y esforigaría por astí os tresorez, pero cata que en a dentrada d'a val heban meso una grant portalada, un parking y una dentrada, y bi venió una mesacheta en a suya moteta ufrindo-se-nos de guida, decindo-nos que a val yera de pago y que os lugars que veyébanos en o GoogleMaps, nomás yeran de libre acceso t'os lugarencos... Atra vegada os vietnamitas mirando d'escular mentindo! Pero ista vegada pequé de desconfitau, pos a mesacha, toda humilde ella, teneba razón y yera asabelo de maha. Asinas que le paguemos y nos fació de guida mientras metat d'o diya en a suya moteta, a o más puro estilo cursa filipina, y bai si lo disfruté!
A maha zagala nos levó a bells tres molimentos relichiosos budistas, por ixa val que, tal
que tos faigaz una ideya, ye como un Paniello pero en versión humeda. Phương i rezó y yo asistaba curioso, dando-le sin parar cuenta o cul a buda varias vegadas, d'o que me advirtió dimpués Phương, y tamién l'amigo Carlos quan veyó bella foto en o Facebook. A mesacha l'explicó a Phương una mica a historia d'o puesto, y a suya importancia ta tot Vietnam, pos ye una referencia de pelegrinache en o norte de país y mesmo s'i han feito peliculas vietnamitas famosas. Y dimpués d'ixo, marchemos ta bellas badinas con bells guariches humildes, estilo filipino, y chent más chalanguera ficando-se en l'augua. Nusatros tamién nos i fiquemos, chentemos pollo rustiu y disfrutemos d'o puesto y a suya naturaleza. Si me leyez, ya sabez que gorgas naturals dentre chent local ye una d'as cosas que más me fan goyo en a vida!
Aquello pareixeba Filipinas, encara que astí cuasi toz os presents en as badinas yeran
mastos, y ta una atra moceta que yera astí con a suya parella, os mastos prencipioron a fer chanadas que a Phương no le facioron goyo, y alavez en hopemos. Y ye que a testosterona y o cunyadismo s'ixulufraban, por desgracia. No ye a primer vegada que charro d'o masclismo y d'o cunyadismo d'a sociedat vietnamita, y en ixe sentiu, Filipinas, sin estar a utopía, ye muito millor. Dito isto, continemos o nuestro camín, aturemos por bells minutos en un entivo con actividaz familiars y que ufriba polidas envistas d'a tardada, y a la fin tornemos ta Tam Đảo y veyemos a puesta de sol dende un lenau a o castiello que tien a ciudat, imitación de castiellos centroeuropeos, y moderno, tant moderno que encara ye en construcción. Nos faciemos astí un coco y un suco, y dimpués marchemos ta l'hotel a zorriar un vin sobrebueno que Phương heba traito, cenar y, a la fin, descansar-nos ta concarar o dominche, muito más tranquilo.
O dominche lo adediquemos a conoixer o propio lugar de Tam Đảo sin que dengún no nos encorrese. Marchemos ta Den Ba Chua Thoung Ngan, molimentos budistas en a parti
alta d'o lugar, ya en metat d'a selva d'o parque nacional d'a sierra de Tam Đảo y a os pies d'as antenas de televisión y telefonía. O puesto ufriba as millors envistas d'a val, encara que yera a rebutir de chent. I puyemos os escalerons, nos faciemos as tipicas fotos y dimpués china chana veyemos a resta de puestos intresants d'o lugar: un hotel que por dentro recreyaba carreras centroeuropeas, a replaceta principal d'o lugar que bien podría pasar por a replaceta d'o parque Burnham en Baguio (Filipinas), a ilesia y o suyo bico -a parti orichinal, a feita por os franceses-, y dimpués de chentar y de fer bella paradeta ta beber sucos y café, marchemos t'un lenau en a parti baixa d'o lugar, con bellas casetas-hospederías con piscinetas an que en ixe momento yeran celebrando una borina ta ninos a o más puro estilo filipino -Baby Shark, rudio, sonrisas, alegría, ambient chalanguero.
Malas plegar, me pensé que sería a tipica copia quasi cartón-piedra de puestos europeos
![](https://blogger.googleusercontent.com/img/b/R29vZ2xl/AVvXsEhTCbv1ksLNI4-IF5AXgL871AEi6x832H7mA_7c_nGWDEnFAZvemwGEphI_nZ5DTP52m9uKKM8dxMD7qQQzIrhfXV7yOyhCwX2qw_9_CX_HQIhaGgdzLRxmBXrx-VOsjBScBRqMq-i-71M8zGNy4NAEZMwVmndbF5dUA_xZVQ-Lxd-M4AwMVA5qEA/w200-h150/IMG_20230618_100738.jpg)
D'atra man, Tam Đảo tien un microclima de montanya y de
![](https://blogger.googleusercontent.com/img/b/R29vZ2xl/AVvXsEgH22POWU5HwNosHZwCyYqcdZWfhFJXpt5XSuklP4LcVlcpws7GoG3_MsQbDyHk-jSTSAGpO1VuyqJzAtWF4V4aaMXo9QKdxDV9NAbsp8K4vnYYEydWush1mP4IJVItNsoEJoH--6_NQ6MckmmTuFUzGi85jWqV33iL45uD7Tbpj9A7dEnkqOu0pw/w200-h150/IMG_20230616_214609.jpg)
Con tot y con ixo, poca información se'n troba de Tam Đảo en o rete, y ye que o puesto no
![](https://blogger.googleusercontent.com/img/b/R29vZ2xl/AVvXsEipY_Kc4fXmQxh5cl0B_yZ7Y5tAbJMVOmqRbMRpCE7ZldDCVhNnt4Q-zr6IzJ-GkWQwJXYJW2CXK_afzk6oK9apHIdR7SG8Ds7Y0T2feDxP6ioGCWiW5Ig2YOhg9BGhO-wjy3Q5ts_gxJBSFQsXVpfsIhuKBVyIcjVsh_0qqhD0vNoad9j2unYzNA/w150-h200/IMG_20230618_161810.jpg)
D'os dos días que en tenébanos, o primer baixamos d'a val y marchemos t'a val mugatiza
![](https://blogger.googleusercontent.com/img/b/R29vZ2xl/AVvXsEgEeUpDGi0ZcgaO4BcmLyM-S7sjVmigHxPdUxg41zmLJu6cwgbUrCZgL7gEAzANgV-DnDvmQhQJDyS0sA0i_4ZKGPHPHFL73tLOJnEl9vlOF3sLD0A9Cl2YLUzXCV0LnCFdIB_XU8pF1JQeoMvNvcJ52bkc7DwFj9YuXtA82_t_nw4yhwl7T5PxWQ/w200-h150/IMG_20230617_114258.jpg)
A maha zagala nos levó a bells tres molimentos relichiosos budistas, por ixa val que, tal
![](https://blogger.googleusercontent.com/img/b/R29vZ2xl/AVvXsEgGVKC7blWQtpcxAz42fFDgVhh67XzdD9XVM-OIkFwSO8kn3VFGq4XpFns7WmLgP7cOkR7GDNfk1tA8KiDVjm1wqjnxGtMieXm4riElBu2VXQ-ObbA3O2qba__Lr5oa4ho4tssqyLCS-m0TYA2wp8Xtn-_j8i-edM6lcHeFZ3w8uXv5UvpTBKx_TQ/w150-h200/IMG_20230617_124634.jpg)
Aquello pareixeba Filipinas, encara que astí cuasi toz os presents en as badinas yeran
![](https://blogger.googleusercontent.com/img/b/R29vZ2xl/AVvXsEhXnRrVF-W8UomVXk-mo2N55gi0yqDt5ziu14cRP31oYjZt6kALtFkltYnkvFfCym45xK8hVvTFdKTQZNTpXs7LVISGYKr8YUOyYGlTmQFh2yDq3gbP0MmA6uV030JabUv0PfxCoE63Wx-FmHffbNUaHStwmgG94SHo-rZC1iezQNc4-XUb6cdsLw/w200-h150/IMG_20230617_180807.jpg)
O dominche lo adediquemos a conoixer o propio lugar de Tam Đảo sin que dengún no nos encorrese. Marchemos ta Den Ba Chua Thoung Ngan, molimentos budistas en a parti
![](https://blogger.googleusercontent.com/img/b/R29vZ2xl/AVvXsEi5oF5i-nKgKbbpqWhJMc7Rj_WizEXWAbE_A1g6zF51i6zOre2kfaZodNwLsn605i7IJ0rZSIsdBt9m9rXmB-M-hPoGPArBvYFqsOygS_74D6SBEH8-Fw8BrYIBM4Erx-dy5qEgQo_KpFwF_pKvh67TG8kZajCwAvRuZJZ8O6aDQ42TehvyfYc3pg/w150-h200/IMG_20230618_095743.jpg)
![](https://blogger.googleusercontent.com/img/b/R29vZ2xl/AVvXsEjSfPslLCM6x4MnFGsSauQ9JH-dvEYOTpifzbjGHO6Dv1RMIibtugIIX8vXb481Y6kHpET98egUo2UVcwb6VUHO0UPRlgDdbdMYDgtJUc5Jsnczsf03275fmcVo_1aPat3Gice9qzKZ2D6z7dgFrJWYohCirTWAa9O7Q4NJqYaN7hQp2ZYap_o7vA/w150-h200/IMG_20230617_120733.jpg)
A escapadeta ta Tam Đảo, antiparti de despedida de Vietnam, nos fació honra ta eslampar d'a fuixina de Hanói, ta pasar-lo de bitibomba como parella, y a yo, ta amostrar-le a Phương as cosas que amo de Filipinas, que tamién trobé astí, y que ella trobará cuan i plegue. Y si yes pensando en venir de vacanzas ta Vietnam, te diría que no ye un puesto imprescidible pero sí curioso, y si has de pasar una estacha en Hanói, sin dubda habrás d'eslampar t'astí bell cabo de semana!