18.9.06

Aparixe un linze en o patio d'una casa d'andújar

O feito ocurrió o pasau diya 14. A las 11 d'o maitín o SEPRONA rezibió una gritada telefonica d'un siñor alarmau por a presenzia en o patio d'a suya casa d'o que parixeba un linze, a cuala ye en o norte d'a ziudat pero en l'area urbana. Cuan os miembros d'o SEPRONA marchón ta casa d'iste siñor beyoron que no mentiba, y que de berdat bi eba una cría de linze de 4 meses.

Cuan lo pillón lo dioron a los teunicos d'o ministerio de meyo ambién, os cualos lo lebón enta o zentro de cautibidat de linzes d'azebuche. As prebas que se le fizión dictón que o estau de l'animal yera bueno, pero tampoco no se espezificó más.

O siñor que gritó t'o SEPRONA ha rezibiú as grazias d'os cuerpos y organimos que han partizipau en o prozeso. A guardia zibil ha anunziau o escomenzipio d'una imbestigazión ta ecsplicar as causas d'o feito.

3 comentarios:

Anónimo dijo...

Pareixe que os animals prenzipian a reconquiesta d'o suyo terreno...

Esparbel Rondador dijo...

SI contina tal cual asinas, en un par d'añadas bi habra de onsos en "Plaza del Pilar"!!

Choben dijo...

como no los i meta franzia... antimás ixo d'a fauna en o pilar ya no se leba, sino demanda-les-ne a las palomas. xD