Beniba d'a unibersidat, y yera pensando qué ficar en o blog, que por problemas teunicos feba ya muito que no autualizaba. Por un costau o maltrato a lo ganau por parti d'una multinazional en USA... por atro costau a independenzia de kosovo y as esferens reaczions... cuan en istas gritan a lo telefono de casa. Ni mi pai ni mi mai fan zeño de prener-lo, yo yera más amanau. Lo prenié:
-Buen diya, me digo Dolores, le grito dende l'instituto opina, podemos fer-le una encuesta eleutoral?
-Bueno... por qué no?
-Pos diga-me, edat?
-18
-Treballa u estudea?
-Estudeo... primero de matematicas.
-En una escala de l'uno a lo siete, estado 1 muito de cuchas, y 7 muito de dreitas, cómo se definiría bustet?
-Bueno, reyalmén no considero que siga d'un pensamiento nian de cuchas nian de dreitas dende l'ambiesta autual d'a politica... Ideolochicamén no creigo en garra d'os sistemas politicos y d'estructurazión sozial que proposan os esferens partius y tendenzias que i son dentro d'o sistema...
-U siga, que bustet no botará no?
-No...
-Bueno, pos emos rematau a encuesta, porque.... bueno... no nos fa onra. Que baiga bueno!
Ye platero... ta beluns (y por desgrazia no son pocos y tienen importanzia sozial) si no yes en uno d'os moldes que proposan os partius politicos en a soziedat autual, pareix que no yes miembro d'a soziedat... sino un bicho raro, puet-estar que por pensar una cosa que no t'han amostrau y por tener una tendenzia que tú mesmo t'has creyau a radiz d'a tuya propia reflexión personal.
Como me dizen en a mía familia de cabo cuan... piensas masiau... t'enbarucas muito con a filosofía y todas ixas cosas raras que no te lebarán ta garra cabo... Mesmo como bel amig@ (y d'os buenos, d'os de confianza) me diz: te creis superior por pensar ixas cosas raras?
Bueno, a lo menos me proporzionan una sensazión de mayor libertat, puet-estar que a trabiés d'un engaño interno? No se sabe...
-Buen diya, me digo Dolores, le grito dende l'instituto opina, podemos fer-le una encuesta eleutoral?
-Bueno... por qué no?
-Pos diga-me, edat?
-18
-Treballa u estudea?
-Estudeo... primero de matematicas.
-En una escala de l'uno a lo siete, estado 1 muito de cuchas, y 7 muito de dreitas, cómo se definiría bustet?
-Bueno, reyalmén no considero que siga d'un pensamiento nian de cuchas nian de dreitas dende l'ambiesta autual d'a politica... Ideolochicamén no creigo en garra d'os sistemas politicos y d'estructurazión sozial que proposan os esferens partius y tendenzias que i son dentro d'o sistema...
-U siga, que bustet no botará no?
-No...
-Bueno, pos emos rematau a encuesta, porque.... bueno... no nos fa onra. Que baiga bueno!
Ye platero... ta beluns (y por desgrazia no son pocos y tienen importanzia sozial) si no yes en uno d'os moldes que proposan os partius politicos en a soziedat autual, pareix que no yes miembro d'a soziedat... sino un bicho raro, puet-estar que por pensar una cosa que no t'han amostrau y por tener una tendenzia que tú mesmo t'has creyau a radiz d'a tuya propia reflexión personal.
Como me dizen en a mía familia de cabo cuan... piensas masiau... t'enbarucas muito con a filosofía y todas ixas cosas raras que no te lebarán ta garra cabo... Mesmo como bel amig@ (y d'os buenos, d'os de confianza) me diz: te creis superior por pensar ixas cosas raras?
Bueno, a lo menos me proporzionan una sensazión de mayor libertat, puet-estar que a trabiés d'un engaño interno? No se sabe...
3 comentarios:
jaja, a yo una begada me fazion una encuesta sobre tuzsa y buenoo...antimas a mesacha que feba as preguntas cuento que bibiba en atro mundo, xq eba de dizir an feba os transbordos y tot ixo(en que carreras u puestos relebans) total que yo le dizie que feba o 1er transbordo en l´espital miguel serbet, que o mio destino yera o campus miguel serbet y que, ta tornar ta casa mia, pillaba o bus en a carrera miguel serbet, y allora, a mesacha me dizio, "jolio, pues si que be d´estar famoso ixe tal miguel serbet" en ixe inte yo no sabeba si plorar u redir-me-ne...
Choben, y tú no l'has preguntau a la encuestadora qué pensaba de tot y de qué yera ella? encara que sía por cortesía, nino... :)
Culibilla, ista chen d'as encuestas yo creigo que bienen d'un mundo espezial... son d'atra pasta. A la mía nobia y a yo nos pasó una begada que nos ne fazión una ta o Periodico d'Aragón -con foto y tot-. Sobre as basuras y tal. En fin, que yo dizié bella cosa y dimpués salió en o periodico una parrafada que yo no eba feito; pero o pior estió o d'a mía nobia, que no eba dito ni una parola sisquiera y tamién i saliba y mesmo con un atra parrafada imbentada de tot!!! en fin. Que si os encuestadors de campo de lingüística fesen o mesmo... (por zierto, a begadas se nota que lo fan).
ixe d'antes yera yo, no pas "anónimo". Blogger miente.
Publicar un comentario