Os zaguers dos diyas en Taipei los emplegué ta mirar-me os puestos naturals d'a ciudat y
![](https://blogger.googleusercontent.com/img/b/R29vZ2xl/AVvXsEiKD5R_Q984osCygmua5cI9c2kCFDW7zyv6m9PkMGFNH_djsDl91vnahmKVLZLs2AYeMFzxnIWGlBP0Hg_HnKAfGR-LsLPUKMzItnZH0DKHBuIxTxmMwEx1kHyGn8mvEZ6FSak-8g/s200/IMG_20190321_111309.jpg)
Feita a gambada por a Montanya de l'Olifant y con as garras estricalladas, marché t'o monumento a Sun Yat-Sen, que ya heba mirau de visitar o diya d'antis pero que yera trancau por fainas de mantenimiento de l'aire acondicionau. Iste monumento yera menos
grant y menos poliu que o monumento a Chiang Kai-Shek, pero a suya ideya yera a mesma: un gran edificio d'arquitectura oriental en metat de chardins, con una gran estatua en a cambra central y cambras menors arredol con exposicions, a más gran parti arredol d'a figura a benerar. Dos guardias cusiraban a estatua, y cada hora se feba un cambio de guardia con asabelo de turistas fotiando y fendo videos, tenendo exactament os mesmo movimientos y o mesmo esquema que o cambio de guardia de Chiang Kai-Shek que heba visto o diya d'antis. Sun Yat-Sen fació muitas revolucions contra as monarquías chinencas, estió o primer president d'a Republica de China y primer lider d'o partiu nacionalista, que precisament se posó en Taiwan dimpués d'a guerra civil chinenca, encara que ell heba feneixiu muito antis. A suya politica se basa en tres principios firmement adoptaus en Taiwan: nacionalismo chinenco, dreitos civils y sustento, mirando d'achuntar asinas materialismo y ideyalismo social y politico. Por un regular, ista persona ye reconoixida tanto en a China continental como en Taiwan y en atros países.
Visto o monumento a Sun Yat-Sen, marché a piet t'o Espacio Cultural y Creativo de Songshan, antigas naus industrials taiwanesas de ladrillo royo reconvertidas en centro hipster, d'atmosfera atrayent y pre refusant, igual que o Parque Creativo de Huashan que
heba visto dos diyas antis. Dimpués d'a correspondient gambada y de fer-me un café, marché a piet ta Wufenpu, mercau de ropas en callizos, asabelo de gran y con un toque curioso. Tal y como lo he descrito podría parixer que ye un rastro pero as ropas y botigas que se i trobaban yeran de "más libel". Y d'astí marché, con o sol baixando, t'o mercau nocturno de Raohe, an que me facié bell suco de canya de zucre y prebé cosetas d'a carrera. Con pocas enerchías pero sin querer dixar-me cosa a veyer d'a Taipei urbana, prenié o metro ent'a carrera Dihua, famosa por as suyas farmacias tradicionals chinencas con productos como aletas de tiburón disecadas u serpients en liquidos que ya no pareixen exoticos dimpués de trobar-los en toda Asia, y en Manila, en o bico chinenco de Binondo. A'l canto Dihua se troba o mercau nocturno de Ningxia, an que despidié a nueit alparciando entre aperitivos.
A l'atrol diya, prencipié a chornada en o chardín botanico de Taipei. En o centro d'a ciudat, sin estar un must, no yera de más visitar-lo y aliviar aire puro en contraste con o que me
trobaría en Manila a l'atrol diya. Matas de toda mena y flors repolidas, senderetz a ripas, puentetz pitos y s'i veyeba a muita chent fendo disciplinas orientals, d'ixas en as que te mueves lento pero cal tener muita flexibilidat. Muitos d'ells viellos que de seguras me se pulen en flexibilidat y fuerza. D'astí me pillé o metro ent'os templos chinencos de Danlongdong y Confucio, uno a'l costau de l'atro. O segundo yera uno d'os más viellos d'a ciudat y teneba muitos edificios y chardinetz, pos en tiempos tamién heba estau una institución educativa. O segundo yera un templo chinenco más común. O cierto ye que dimpués d'haber-ne visto tantos, os templos chinencos no me trucan, encara que o de Confucio fació honra ta despertar-me a curiosidat sobre iste filosofo "que iventó a confusión" y horas dimpués, en l'aeropuerto asperando o vuelo de tornada ta Manila, me veyé un documental sobre ista persona.
![](https://blogger.googleusercontent.com/img/b/R29vZ2xl/AVvXsEj9iWceMrPpnOfFRVwfs69W7Wqq76OU-JHBlkpXPz0XwvavLCVlEQmis7O5UWAX5socu8F07L1yG2VOVSBT1Q0lGn2EDA1CjA6viZhxlvmClC8Mvfa1aAvSNVF4Y0x809JyaY5mgA/s200/IMG_20190321_133219.jpg)
Visto o monumento a Sun Yat-Sen, marché a piet t'o Espacio Cultural y Creativo de Songshan, antigas naus industrials taiwanesas de ladrillo royo reconvertidas en centro hipster, d'atmosfera atrayent y pre refusant, igual que o Parque Creativo de Huashan que
![](https://blogger.googleusercontent.com/img/b/R29vZ2xl/AVvXsEhc9UcAQUg9ATYggZJtFbxDolgAM_B00bXa5Kkp3IUgyxLt0sHsK9yYhlq51Ek_E8aU4nX5F9PSggphaSIczIQFEDv6wKSi4tsJFKAlEoHsc1uKlYS6rCReQ_VBDJ7MFFo32otyvQ/s200/IMG_20190321_170154.jpg)
A l'atrol diya, prencipié a chornada en o chardín botanico de Taipei. En o centro d'a ciudat, sin estar un must, no yera de más visitar-lo y aliviar aire puro en contraste con o que me
![](https://blogger.googleusercontent.com/img/b/R29vZ2xl/AVvXsEg_pnwXTKkWzazyoiEZbfejXJpSy2EpQVQ4fKjjcLJ97H3ujFGF6P0EoXCLr6IvqLNJaVycLxxMC1ONQzGmMhPkq-6xTpCAxOoBWR4qcvlyCa3DWAvbaiHMqYzIZy0ZgZskZmHP3A/s200/IMG_20190322_125958.jpg)
Dimpués d'istos templos, encara tenié tiempo ta prener o metro y acercar-me t'o templo de Guadu, taoista-budista en un lumo cara t'o río Tamsui. Iste templo yera muito más gran y más poliu, con bell corridor-callizo en montanya asabelo de curioso y con bella estatua
![](https://blogger.googleusercontent.com/img/b/R29vZ2xl/AVvXsEhGAcorCXJKGNgf8wWIb8DbFJN0z_J2baAQKJJj0El-fJiLQuuxWv4to-YMsmLtxk02DdFSlJQm7fT8myeaOm9Xy0WWzzqZNTj_BzaIFsZ0-01wtk16bX6h7CgEV0SOH9iAiF3rCg/s200/IMG_20190322_145123.jpg)
Como dicié en o primer post, Taipei ye una ciudat sin penas y sin glorias. Muito comoda ta vivir, con buen sistema de transporte, piatonalidat, parques y espacios naturals cercanos. Buena ciudat t'a bici y con vida en a carrera, encara que masiau regulada. Se mincha muito bien, y yo me farté de dumplings y crepes taiwaneses, sin menospreciar atros pinchos y os sucos. Ixo sí, tot con menos zucre que no en Manila, cosa que s'agradeix, encara que en primeras mesmo se feba raro que a sapia d'as cosas no fuese tan dulza. Tiene toques orientals, como lo coloriu fosforito, o cosplay y a propia birolla de carrera. A chent ye muito amable y correcta de vegada, encara que jautas en contimparación con Manila: tot yera masiau ordenau. No ye mala ciudat ta tener una chiqueta dosi d'occident en metat d'o caos manilenyo u ta tener una vida familiar estable, pero una vegada más, agora mesmo me quedo con Manila.
No hay comentarios.:
Publicar un comentario